ਹੜ੍ਹਾਂ ਦੀ ਮਾਰ ਨਾਲ ਜੂਝਦੇ ਇਲਾਕੇ ‘ਚ ਕਾਂਗਰਸੀ ਆਗੂ ਦਾ ਕ+ਤ+ਲ, ਬੰਨ੍ਹ ਲਾ ਕੇ ਆ ਰਿਹਾ ਸੀ ਘਰ
ਖਡੂਰ ਸਾਹਿਬ (ਵੀਓਪੀ ਬਿਊਰੋ) ਬੁੱਧਵਾਰ ਰਾਤ ਨੂੰ ਤਿੰਨ ਹਮਲਾਵਰਾਂ ਨੇ ਬਲਾਕ ਕਾਂਗਰਸ ਪ੍ਰਧਾਨ ਗੁਰਮੇਲ ਸਿੰਘ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ। ਬੁੱਧਵਾਰ ਰਾਤ ਲਗਭਗ 8:45 ਵਜੇ ਗੁਰਮੇਲ ਸਿੰਘ ਆਪਣੇ ਪਿੰਡ ਦੇ ਹੋਰ ਟਰੈਕਟਰ ਟਰਾਲੀਆਂ ਨਾਲ ਬੰਨ੍ਹ ਤੋਂ ਆਪਣੇ ਪਿੰਡ ਵਾਪਸ ਆ ਰਿਹਾ ਸੀ। ਇਸ ਦੌਰਾਨ ਪਿੰਡ ਝੁੱਗੀਆ ਪੀਰ ਬਖਸ਼ ਤੋਂ ਮੋਟਰਸਾਈਕਲ ਸਵਾਰ ਤਿੰਨ ਹਮਲਾਵਰ ਆਏ ਅਤੇ ਉਨ੍ਹਾਂ ‘ਤੇ ਗੋਲੀਆਂ ਚਲਾ ਦਿੱਤੀਆਂ।
ਗੁਰਮੇਲ ਸਿੰਘ ਟਰੈਕਟਰ ‘ਤੇ ਇਕੱਲਾ ਸੀ। ਉਸ ‘ਤੇ ਲਗਭਗ ਨੌਂ ਰਾਉਂਡ ਫਾਇਰ ਕੀਤੇ ਗਏ। ਦੋਸ਼ੀ ਮੌਕੇ ਤੋਂ ਭੱਜ ਗਏ। ਗੋਲੀਆਂ ਨਾਲ ਜ਼ਖਮੀ ਗੁਰਮੇਲ ਸਿੰਘ ਨੂੰ ਇੱਕ ਨਿੱਜੀ ਹਸਪਤਾਲ ਲਿਜਾਇਆ ਗਿਆ। ਜਿੱਥੇ ਡਾਕਟਰਾਂ ਨੇ ਗੁਰਮੇਲ ਸਿੰਘ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਇਸ ਘਟਨਾ ਤੋਂ ਲਗਭਗ ਇੱਕ ਘੰਟੇ ਬਾਅਦ, ਸਦਰ ਪੱਟੀ ਥਾਣੇ ਦੀ ਪੁਲਿਸ ਮੌਕੇ ‘ਤੇ ਪਹੁੰਚ ਗਈ।
ਗੁਰਮੇਲ ਸਿੰਘ ਪੱਟੀ ਵਿਧਾਨ ਸਭਾ ਹਲਕੇ ਅਧੀਨ ਬੰਨ੍ਹ ਨੂੰ ਮਜ਼ਬੂਤ ਕਰਨ ਲਈ ਲਗਾਤਾਰ 18 ਦਿਨਾਂ ਤੋਂ ਦਿਨ-ਰਾਤ ਕੰਮ ਕਰ ਰਿਹਾ ਸੀ। ਗੁਰਮੇਲ ਸਿੰਘ ਚਾਰ ਸਾਲਾਂ ਤੋਂ ਬਲਾਕ ਪੱਟੀ ਕਾਂਗਰਸ ਦਾ ਪ੍ਰਧਾਨ ਰਿਹਾ ਹੈ।
ਸਰਪੰਚ ਗੁਰਮੇਲ ਸਿੰਘ ਤੂਤ ਦੇ ਕਤਲ ਦੀ ਜ਼ਿੰਮੇਵਾਰੀ ਮਾਝੇ ਦੇ ਨਾਮੀ ਗੈਂਗਸਟਰ ਪ੍ਰਭ ਦਾਸੂਵਾਲ ਤੇ ਡੋਨੀ ਬੱਲ ਗਰੁੱਪ ਵੱਲੋਂ ਲਈ ਗਈ ਆ ਕਿਉਂ ਸਰਪੰਚ ਗੁਰਵੇਲ ਸਿੰਘ ਤੂਤ ਵੱਲੋਂ (ਅਫਰੀਦੀ ਤੂਤ) ਨੂੰ ਪੁਲਿਸ ਨੂੰ ਫੜਾਇਆ ਗਿਆ ਸੀ ਜੋਂ ਕੀ ਇਸ ਗੈਂਗ ਦਾ ਕਰੀਬੀ ਸਾਥੀ ਸੀ ਇਸ ਕਰਕੇ ਇੰਸਟਾਗ੍ਰਾਮ ਤੇ ਪ੍ਰਭ ਦਾਸੂਵਾਲ ਵੱਲੋਂ ਪੋਸਟ ਪਾ ਕੇ ਜ਼ਿੰਮੇਵਾਰੀ ਲਈ ਗਈ ਹੈ।
