ਟਰੰਪ ਦੇ ਮਨ ‘ਚ ਡਰ… ਭਾਰਤ, ਰੂਸ ਤੇ ਚੀਨ ਨੂੰ ਨਾਲ ਦੇਖ ਕਿਹਾ-ਅਸੀਂ ਸਭ ਗੁਆ ਲਿਆ
ਵੀਓਪੀ ਬਿਊਰੋ – ਅਮਰੀਕੀ ਰਾਸ਼ਟਰਪਤੀ ਟਰੰਪ ਨੇ ਸ਼ੁੱਕਰਵਾਰ ਨੂੰ ਟਰੂਥ ਸੋਸ਼ਲ ‘ਤੇ ਕਿਹਾ ਕਿ ਅਜਿਹਾ ਲੱਗਦਾ ਹੈ ਕਿ ਅਸੀਂ ਭਾਰਤ ਅਤੇ ਰੂਸ ਨੂੰ ਚੀਨ ਤੋਂ ਹਾਰ ਗਏ ਹਾਂ। ਉਮੀਦ ਹੈ ਕਿ ਉਨ੍ਹਾਂ ਦਾ ਭਵਿੱਖ ਚੰਗਾ ਹੋਵੇਗਾ। ਟਰੰਪ ਨੇ 2017 ਦੇ ਬ੍ਰਿਕਸ ਸੰਮੇਲਨ ਤੋਂ ਚੀਨੀ ਰਾਸ਼ਟਰਪਤੀ ਸ਼ੀ ਜਿਨਪਿੰਗ, ਰੂਸੀ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਅਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਇੱਕ ਤਸਵੀਰ ਵੀ ਸਾਂਝੀ ਕੀਤੀ। ਇਹ ਬ੍ਰਿਕਸ ਸੰਮੇਲਨ ਚੀਨ ਦੇ ਸ਼ਿਆਮਨ ਵਿੱਚ ਹੋਇਆ ਸੀ।
ਟੈਰਿਫ ਵਿਵਾਦ ਵਿਚਾਲੇ ਡੋਨਾਲਡ ਟਰੰਪ ਦਾ ਅਜਿਹਾ ਬਿਆਨ ਦਿਖਾ ਰਿਹਾ ਹੈ ਕਿ ਚੀਨ ਤੇ ਰੂਸ ਦੇ ਨਾਲ ਭਾਰਤ ਦੇ ਸਹਿਯੋਗ ਨੂੰ ਲੈ ਕੇ ਅਮਰੀਕਾ ਡਰ ਰਿਹਾ ਹੈ। ਟਰੰਪ ਨੇ ਪਹਿਲਾਂ 4 ਸਤੰਬਰ ਨੂੰ ਸੁਪਰੀਮ ਕੋਰਟ ਵਿੱਚ ਅਪੀਲ ਦਾਇਰ ਕੀਤੀ ਸੀ। ਇਸ ਵਿੱਚ, ਉਨ੍ਹਾਂ ਨੇ ਹੇਠਲੀ ਅਦਾਲਤ ਦੇ ਫੈਸਲੇ ਨੂੰ ਚੁਣੌਤੀ ਦਿੱਤੀ ਸੀ, ਜਿਸ ਵਿੱਚ ਕਿਹਾ ਗਿਆ ਸੀ ਕਿ ਟਰੰਪ ਵਿਦੇਸ਼ੀ ਸਾਮਾਨਾਂ ‘ਤੇ ਭਾਰੀ ਟੈਰਿਫ ਨਹੀਂ ਲਗਾ ਸਕਦੇ।
ਟਰੰਪ ਨੇ ਕਿਹਾ ਸੀ ਕਿ ਭਾਰਤ ‘ਤੇ ਲਗਾਏ ਗਏ ਟੈਰਿਫ ਰੂਸ-ਯੂਕਰੇਨ ਯੁੱਧ ਨੂੰ ਰੋਕਣ ਲਈ ਬਹੁਤ ਮਹੱਤਵਪੂਰਨ ਹਨ। ਟਰੰਪ ਨੇ ਸੁਪਰੀਮ ਕੋਰਟ ਵਿੱਚ ਦਲੀਲ ਦਿੱਤੀ ਕਿ ਭਾਰਤ ‘ਤੇ ਟੈਰਿਫ ਰੂਸੀ ਤੇਲ ਖਰੀਦਣ ਲਈ ਲਗਾਏ ਗਏ ਸਨ, ਇਸ ਲਈ ਇਹ ਯੁੱਧ ਨੂੰ ਖਤਮ ਕਰਨ ਵਿੱਚ ਮਦਦ ਕਰੇਗਾ।
