ਬਜਟ ਨੇ ਸ਼ੇਅਰ ਬਜ਼ਾਰ ਦਾ ਕੱਢਿਆ ਦਿਵਾਲਾ…
ਵੀਓਪੀ ਬਿਊਰੋ – ਕੇਂਦਰੀ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਲਗਾਤਾਰ 9ਵੀਂ ਵਾਰ ਬਜਟ ਪੇਸ਼ ਕੀਤਾ। ਮਾਹਿਰਾਂ ਦੇ ਮੁਤਾਬਕ ਤਾਂ ਇਸ ਵਾਰ ਦਾ ਬਜਟ ਕੁਝ ਖਾਸ ਨਹੀਂ ਰਿਹਾ। ਉੱਥੇ ਹੀ ਸ਼ੇਅਰ ਬਜ਼ਾਰ ਵੀ ਇਸ ਵਾਰ ਦੇ ਬਜਟ ਕਾਰਨ ਮੁੱਧੇ ਮੂੰਹ ਡਿੱਗ ਪਿਆ। ਸਰਕਾਰ ਨੇ ਸ਼ੇਅਰ ਬਜ਼ਾਰ ‘ਚ ਆਪਸ਼ਨ ਟ੍ਰੇਡਿੰਗ ‘ਤੇ ਟੈਕਸ ਵਧਾ ਦਿੱਤਾ ਅਤੇ ਟੈਕਸ ਵਧਣ ਕਾਰਨ ਸ਼ੇਅਰ ਬਜ਼ਾਰ ਹੇਠਾਂ ਡਿੱਗ ਪਿਆ। 8 ਲੱਖ ਕਰੋੜ ਰੁਪਏ ਇੱਕ ਪਲ ਵਿੱਚ ਹੀ ਖਤਮ ਹੋ ਗਏ
ਬਜਟ ਤੋਂ ਬਾਅਦ ਹੀ ਵੱਡੀਆਂ ਕੰਪਨੀਆਂ ਦੇ ਸ਼ੇਅਰ ਤਾਸ਼ ਦੇ ਪੱਤਿਆਂ ਵਾਂਗ ਡਿੱਗ ਗਏ। ਬਜਟ ਪੇਸ਼ਕਾਰੀ ਦੌਰਾਨ ਬੰਬੇ ਸਟਾਕ ਐਕਸਚੇਂਜ ਦਾ 30-ਸ਼ੇਅਰਾਂ ਵਾਲਾ ਸੈਂਸੈਕਸ ਅਚਾਨਕ ਕਰੈਸ਼ ਹੋ ਗਿਆ, ਜਦੋਂ ਕਿ ਨੈਸ਼ਨਲ ਸਟਾਕ ਐਕਸਚੇਂਜ ਵਿੱਚ ਵੀ ਕਾਫ਼ੀ ਗਿਰਾਵਟ ਦੇਖਣ ਨੂੰ ਮਿਲੀ। BSE ਸੈਂਸੈਕਸ ਇੱਕ ਝਟਕੇ ਵਿੱਚ 2,300 ਅੰਕਾਂ ਤੋਂ ਵੱਧ ਡਿੱਗ ਗਿਆ, ਜਦੋਂ ਕਿ NSE ਨਿਫਟੀ 750 ਅੰਕਾਂ ਤੱਕ ਡਿੱਗ ਗਿਆ। ਬਾਜ਼ਾਰ ਕਰੈਸ਼ ਕਾਰਨ ਰਿਲਾਇੰਸ, BEL ਅਤੇ ਅਡਾਨੀ ਪੋਰਟਸ ਸਮੇਤ ਕਈ ਵੱਡੀਆਂ ਕੰਪਨੀਆਂ ਦੇ ਸ਼ੇਅਰਾਂ ਵਿੱਚ ਭਾਰੀ ਗਿਰਾਵਟ ਆਈ।
ਬਜਟ ਪੇਸ਼ਕਾਰੀ ਤੋਂ ਪਹਿਲਾਂ BSE ਸੈਂਸੈਕਸ 82,388.97 ‘ਤੇ ਖੁੱਲ੍ਹਿਆ, ਜੋ ਕਿ ਇਸਦੇ ਪਿਛਲੇ ਬੰਦ 82,269 ਤੋਂ ਵੱਧ ਸੀ। ਸੰਸਦ ਵਿੱਚ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਦੇ ਬਜਟ ਭਾਸ਼ਣ ਦੌਰਾਨ ਇਹ ਉਤਰਾਅ-ਚੜ੍ਹਾਅ ਕਰਦਾ ਰਿਹਾ। ਬਜਟ ਦੇ ਅੰਤ ਵਿੱਚ, ਸੈਂਸੈਕਸ ਅਚਾਨਕ 2,370 ਅੰਕਾਂ ਤੱਕ ਡਿੱਗ ਗਿਆ। ਸੈਂਸੈਕਸ ਵਾਂਗ, NSE ਨਿਫਟੀ ਵੀ ਬੁਰੀ ਹਾਲਤ ਵਿੱਚ ਦਿਖਾਈ ਦਿੱਤਾ ਅਤੇ ਸ਼ੁਰੂਆਤੀ ਉਥਲ-ਪੁਥਲ ਤੋਂ ਬਾਅਦ, ਇਸਦੀ ਗਿਰਾਵਟ ਵਿੱਚ ਵੀ ਤੇਜ਼ੀ ਆਈ ਅਤੇ ਇਹ ਲਗਭਗ 750 ਅੰਕਾਂ ਤੱਕ ਹੇਠਾਂ ਵਪਾਰ ਕਰਦਾ ਦੇਖਿਆ ਗਿਆ।
