ਪ੍ਰਿਜ਼ਮੋਰਾ 2026: ਇੰਨੋਸੈਂਟ ਹਾਰਟਸ ਸਕੂਲ, ਲੋਹਾਰਾਂ SDG-13 ‘ਵਿਖੇ  ਦਿਸ਼ਾ – ਐਨ ਇਨੀਸ਼ੀਏਟਿਵ ਦੇ ਤਹਿਤ ਕਲਾਈਮਟ ਐਕਸ਼ਨ’ ‘ਤੇ  ਦੀ ਰੰਗੀਨ ਪ੍ਰਦਰਸ਼ਨੀ

Jalandhar (VOP Bureau) ਇੰਨੋਸੈਂਟ ਹਾਰਟਸ ਸਕੂਲ,ਲੋਹਾਰਾਂ ਨੇ ਦਿਸ਼ਾ – ਇੱਕ ਪਹਿਲ ਦੇ ਤਹਿਤ ਸਸਟੇਨੇਬਲ ਵਿਕਾਸ ਲਕਸ਼ (SDG) 13: ‘ਕਲਾਈਮਟ ਐਕਸ਼ਨ’ ‘ਤੇ ਕੇਂਦਰਿਤ ਪ੍ਰਿਜ਼ਮੋਰਾ 2026 ਥੀਮ ਦੇ ਅੰਤਰਗਤ ਰੰਗੀਨ ਅਤੇ ਗਤੀਸ਼ੀਲ ਪ੍ਰਦਰਸ਼ਨੀ ਦਾ ਸਫਲ ਆਯੋਜਨ ਕੀਤਾ। ਇਸ ਪ੍ਰਦਰਸ਼ਨੀ ਵਿੱਚ ਵੱਖ-ਵੱਖ ਕਲੱਬਾਂ ਨੇ ਭਾਗ ਲਿਆ, ਜਿਨ੍ਹਾਂ ਨੇ ਸਿੱਖਣ ਅਤੇ ਵਿਕਾਸ ਦੇ ਵੱਖਰੇ ਪੱਖਾਂ ਨੂੰ ਉਜਾਗਰ ਕੀਤਾ।

ਇਨੋਵੇਸ਼ਨ ਕਲੱਬ ਨੇ ਰਚਨਾਤਮਕ ਸੋਚ ਅਤੇ ਸਮੱਸਿਆ ਹੱਲ ਕਰਨ ਦੀ ਯੋਗਤਾ ਨੂੰ ਪ੍ਰੇਰਿਤ ਕੀਤਾ, ਜਦਕਿ ਇਨਵਾਇਰਨਮੈਂਟ ਕਲੱਬ ਨੇ ਟਿਕਾਊਪਣ ਅਤੇ ਵਾਤਾਵਰਨ ਜ਼ਿੰਮੇਵਾਰੀ ‘ਤੇ ਜ਼ੋਰ ਦਿੱਤਾ। ਕ੍ਰਿਏਟਿਵ ਸਟ੍ਰੋਕਸ ਕਲੱਬ ਨੇ ਮਨਮੋਹਕ ਕਲਾਕਾਰੀਆਂ ਅਤੇ ਮਾਡਲਾਂ ਰਾਹੀਂ ਵਿਦਿਆਰਥੀਆਂ ਦੀ ਕਲਾਤਮਕ ਪ੍ਰਤਿਭਾ ਦਾ ਸੁੰਦਰ ਪ੍ਰਦਰਸ਼ਨ ਕੀਤਾ। ਇਸ ਤੋਂ ਇਲਾਵਾ ਹੋਰ ਕਲੱਬਾਂ ਨੇ ਸਿਹਤਮੰਦ ਜੀਵਨਸ਼ੈਲੀ, ਸਮੁਦਾਇਕ ਭਾਗੀਦਾਰੀ ਅਤੇ ਵਿਗਿਆਨਕ ਸੋਚ ਨੂੰ ਵੀ ਪ੍ਰੋਤਸਾਹਿਤ ਕੀਤਾ।

ਕਾਰਜਕ੍ਰਮ ਵਿੱਚ ਹੈਲਥ ਐਂਡ ਵੈੱਲਨੈੱਸ ਕਲੱਬ ਵੱਲੋਂ ਉਰਜਾਵਾਨ ਨੁੱਕੜ ਨਾਟਕ ਪੇਸ਼ ਕੀਤਾ ਗਿਆ, ਸੰਗੀਤ ਵਿਭਾਗ ਵੱਲੋਂ ਪ੍ਰੇਰਕ ਗੀਤ ਗਾਏ ਗਏ ਅਤੇ ਲਾਈਵ ਰੋਬੋਟ ਪ੍ਰਦਰਸ਼ਨ ਨੇ ਸਭ ਦਾ ਧਿਆਨ ਖਿੱਚਿਆ। ਭਾਰਤ ਦੀ ਸੰਸਕ੍ਰਿਤਕ ਵਿਭਿੰਨਤਾ ਨੂੰ ਦਰਸਾਉਂਦੇ ਹੋਏ ਵਿਦਿਆਰਥੀਆਂ ਨੇ ਪੰਜਾਬ ਅਤੇ ਆਂਧਰਾ ਪ੍ਰਦੇਸ਼ ਦੇ ਪਰੰਪਰਾਗਤ ਪਹਿਰਾਵੇ ਪਹਿਨ ਕੇ ‘ਏਕਤਾ ਵਿੱਚ ਵਿਭਿੰਨਤਾ’ ਦਾ ਸੁਨੇਹਾ ਦਿੱਤਾ।

ਇਸ ਸਮਾਗਮ ਦਾ ਉਦਘਾਟਨ ਸਕੂਲਾਂ ਦੀ ਐਗਜ਼ਿਕਿਊਟਿਵ ਡਾਇਰੈਕਟਰ ਮਿਸ ਸ਼ੈਲੀ ਬੌਰੀ ਵੱਲੋਂ ਪ੍ਰਿੰਸੀਪਲ ਮਿਸ ਸ਼ਾਲੂ ਸਹਿਗਲ, ਵਾਈਸ ਪ੍ਰਿੰਸੀਪਲ ਸ੍ਰੀ ਮਾਨ ਨਵੀਨ ਧਵਨ ਅਤੇ ਕਲੱਬ ਹੈਡ ਮਿਸ ਵਸੁੰਧਰਾ ਦੀ ਗ੍ਰੇਸਫੁਲ ਹਾਜ਼ਰੀ ਵਿੱਚ ਕੀਤਾ ਗਿਆ। ਰਿਵਾਇਤ ਅਤੇ ਨਵੀਨਤਾ ਦੇ ਸੁੰਦਰ ਮਿਲਾਪ ਦਾ ਪ੍ਰਤੀਕ ਬਣਦਿਆਂ ਉਨ੍ਹਾਂ ਦਾ ਸਵਾਗਤ ਰੋਬੋਟ ਵੱਲੋਂ ਫੁੱਲ ਭੇਟ ਕਰਕੇ ਕੀਤਾ ਗਿਆ।

ਸ੍ਰੀ ਮਤੀ  ਸ਼ੈਲੀ ਬੋਰੀ ਨੇ ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਦੇ ਸ਼ਾਨਦਾਰ ਯਤਨਾਂ ਦੀ ਪ੍ਰਸ਼ੰਸਾ ਕੀਤੀ, ਜਦਕਿ ਕੁਮਾਰੀ ਸ਼ਾਲੂ ਸਹਿਗਲ ਨੇ ਵਿਦਿਆਰਥੀਆਂ ਨੂੰ ਆਪਣੀਆਂ ਵਿਲੱਖਣ ਰੁਚੀਆਂ ਦੀ ਖੋਜ ਜਾਰੀ ਰੱਖਣ ਲਈ ਪ੍ਰੇਰਿਤ ਕੀਤਾ। ਮਾਪਿਆਂ ਨੇ ਵੀ ਵਿਦਿਆਰਥੀਆਂ ਦੀ ਮਿਹਨਤ ਅਤੇ ਪ੍ਰਦਰਸ਼ਨ ਦੀ ਭਰਪੂਰ ਸਰਾਹਨਾ ਕੀਤੀ।