ਗੈਸ ਸਿਲੰਡਰਾਂ ਦੀ ਭਾਰੀ ਕਿੱਲਤ, ਛਾਪਾ ਮਾਰਿਆ ਤਾਂ ਹੋਟਲ ‘ਚ ਲੁਕਾ ਕੇ ਬੈਠੇ ਸੀ 11 ਸਿਲੰਡਰ

ਗੈਸ ਸਿਲੰਡਰਾਂ ਦੀ ਭਾਰੀ ਕਿੱਲਤ, ਛਾਪਾ ਮਾਰਿਆ ਤਾਂ ਹੋਟਲ ‘ਚ ਲੁਕਾ ਕੇ ਬੈਠੇ ਸੀ 11 ਸਿਲੰਡਰ

ਫਾਜ਼ਿਲਕਾ (ਵੀਓਪੀ ਬਿਊਰੋ) ਇੱਕ ਪਾਸੇ ਮਾਧ ਏਸ਼ੀਆ ਵਿੱਚ ਲੱਗੀ ਜੰਗ ਤੋਂ ਬਾਅਦ ਗੈਸ ਤੇਲ ਦੀਆਂ ਸਪਲਾਈ ਵਿੱਚ ਕਮੀ ਆਈ ਹੈ ਤੇ ਦੇਸ਼ ਭਰ ਵਿੱਚ ਇਸ ਸਮੇਂ ਐਲਪੀਜੀ ਸਿਲਿੰਡਰ ਦੀ ਕਿੱਲਤ ਚੱਲ ਰਹੀ ਹੈ। ਬੁਕਿੰਗ ਦਾ ਸਮਾਂ ਵਧਾ ਦਿੱਤਾ ਗਿਆ ਹੈ, ਪਿੰਡਾਂ ਤੋਂ ਲੈ ਕੇ ਸ਼ਹਿਰਾਂ ਤੱਕ ਹਰ ਕਸਬੇ ਹਰ ਗਲੀ ਵਿੱਚ ਇਸ ਸਮੇਂ ਐਲਪੀਜ ਸਿਲਿੰਡਰ ਦੀ ਹੀ ਮੰਗ ਵਧੀ ਹੋਈ ਹੈ।

ਇਸ ਸਮੇਂ ਐਲਪੀਜ ਸਿਲਿੰਡਰ ਦੀ ਹੀ ਮੰਗ ਵਧੀ ਹੋਈ ਹੈ। ਉੱਥੇ ਹੀ ਮਾਮਲਾ ਸਾਹਮਣੇ ਆਇਆ ਹੁਣ ਫਾਜ਼ਿਲਕਾ ਤੋਂ ਜਿੱਥੇ ਇੱਕ ਹੋਟਲ ਵਿੱਚ ਛਾਪੇਮਾਰੀ ਕੀਤੀ ਗਈ ਤਾਂ ਕਮਰਸ਼ੀਅਲ ਸਿਲੰਡਰਾਂ ਦੀ ਜਗ੍ਹਾ ਇੱਥੇ ਘਰੇਲੂ ਗੈਸ ਦੀ ਵਰਤੋਂ ਕੀਤੀ ਜਾ ਰਹੀ ਸੀ।

ਇੱਥੇ ਜ਼ਿਲ੍ਹਾ ਖੁਰਾਕ ਸਪਲਾਈ ਵਿਭਾਗ ਦੀ ਇੱਕ ਟੀਮ ਨੇ ਫਾਜ਼ਿਲਕਾ ਵਿੱਚ ਛਾਪਾ ਮਾਰਿਆ ਅਤੇ ਢਾਬਿਆਂ, ਹੋਟਲਾਂ ਅਤੇ ਕਾਰਾਂ ਨੂੰ ਭਰਨ ਲਈ ਵਰਤੇ ਜਾਣ ਵਾਲੇ 11 ਘਰੇਲੂ ਗੈਸ ਸਿਲੰਡਰ ਜ਼ਬਤ ਕੀਤੇ ਗਏ ਹਨ।

ਐਲਪੀਜੀ ਸਿਲੰਡਰਾਂ ਦੀ ਜਮ੍ਹਾਂਖੋਰੀ, ਗੈਰ-ਕਾਨੂੰਨੀ ਵਰਤੋਂ ਅਤੇ ਕਾਲਾਬਾਜ਼ਾਰੀ ਨੂੰ ਰੋਕਣ ਲਈ, ਵਿਭਾਗ ਨੇ ਕਈ ਥਾਵਾਂ ‘ਤੇ ਛਾਪੇਮਾਰੀ ਕੀਤੀ। ਨਤੀਜੇ ਵਜੋਂ, ਵਿਭਾਗ ਨੇ ਕਾਰਾਂ ਵਿੱਚ ਭਰੇ ਜਾ ਰਹੇ ਅਤੇ ਢਾਬਿਆਂ ਅਤੇ ਹੋਰ ਥਾਵਾਂ ‘ਤੇ ਵਰਤੇ ਜਾ ਰਹੇ ਲਗਭਗ 11 ਘਰੇਲੂ ਗੈਸ ਸਿਲੰਡਰ ਜ਼ਬਤ ਕੀਤੇ। ਪ੍ਰਸ਼ਾਸਨ ਦਾ ਤਰਕ ਹੈ ਕਿ ਵਪਾਰਕ ਗੈਸ ਸਿਲੰਡਰਾਂ ਦੀ ਸਪਲਾਈ ਕੱਟ ਦਿੱਤੀ ਗਈ ਹੈ।

ਇਸ ਲਈ, ਘਰੇਲੂ ਗੈਸ ਸਿਲੰਡਰਾਂ ਦੀ ਵਪਾਰਕ ਤੌਰ ‘ਤੇ ਵਰਤੋਂ ਨਹੀਂ ਕੀਤੀ ਜਾਣੀ ਚਾਹੀਦੀ। ਨਹੀਂ ਤਾਂ, ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ। ਜ਼ਬਤ ਕੀਤੇ ਗਏ 11 ਗੈਸ ਸਿਲੰਡਰਾਂ ਦੀ ਰਿਪੋਰਟ ਉੱਚ ਅਧਿਕਾਰੀਆਂ ਨੂੰ ਕਰ ਦਿੱਤੀ ਗਈ ਹੈ ਅਤੇ ਮਾਮਲੇ ਵਿੱਚ ਕਾਰਵਾਈ ਕੀਤੀ ਜਾਵੇਗੀ।