ਵਕਫ ਬੋਰਡ ਨੇ ਲਿਆ ਵੱਡਾ ਫੈਸਲਾ, ਮੱਦਰਸਿਆਂ ‘ਚ ਹੁਣ ਕੁਰਾਨ ਦੇ ਨਾਲ ਪੜ੍ਹਾਈ ਜਾਵੇਗੀ ਰਾਮਾਇਣ
ਉੱਤਰਾਖੰਡ (ਵੀਓਪੀ ਬਿਊਰੋ): ਉਤਰਾਖੰਡ ਵਕਫ਼ ਬੋਰਡ ਨੇ ਵੱਡਾ ਫੈਸਲਾ ਲਿਆ ਹੈ। ਬੋਰਡ ਨੇ ਫੈਸਲਾ ਕੀਤਾ ਹੈ ਕਿ ਰਾਮਾਇਣ ਹੁਣ ਮਾਨਤਾ ਪ੍ਰਾਪਤ ਮਦਰੱਸਿਆਂ ਵਿੱਚ ਪੜ੍ਹਾਈ ਜਾਵੇਗੀ। ਰਾਮਾਇਣ ਨੂੰ ਪਾਠਕ੍ਰਮ ਦੇ ਹਿੱਸੇ ਵਜੋਂ ਸ਼ਾਮਲ ਕੀਤਾ ਜਾਵੇਗਾ। ਬੋਰਡ ਅਧੀਨ ਕੁੱਲ 117 ਮਦਰੱਸਿਆਂ ਵਿੱਚੋਂ 4 ਮਦਰੱਸਿਆਂ ਵਿੱਚ ਨਵਾਂ ਪਾਠਕ੍ਰਮ ਸ਼ੁਰੂ ਕੀਤਾ ਜਾਵੇਗਾ।
ਦੇਹਰਾਦੂਨ, ਹਰਿਦੁਆਰ, ਨੈਨੀਤਾਲ ਅਤੇ ਊਧਮ ਸਿੰਘ ਨਗਰ ਜ਼ਿਲ੍ਹੇ ਦੇ ਚਾਰ ਮਦਰੱਸਿਆਂ ਵਿੱਚ 2024 ਦੇ ਅਕਾਦਮਿਕ ਸੈਸ਼ਨ ਤੋਂ ਭਗਵਾਨ ਰਾਮ ਦੀ ਕਥਾ ਪੜ੍ਹਾਈ ਜਾਵੇਗੀ। ਮਦਰੱਸਿਆਂ ਵਿੱਚ ਰਾਮਾਇਣ ਪੜ੍ਹਾਉਣ ਲਈ ਅਧਿਆਪਕ ਵੀ ਭਰਤੀ ਕੀਤੇ ਜਾਣਗੇ। ਇਸ ਤੋਂ ਬਾਅਦ ਬਾਕੀ 113 ਮਦਰੱਸਿਆਂ ਵਿੱਚ ਵੀ ਇਸ ਨੂੰ ਸ਼ੁਰੂ ਕੀਤਾ ਜਾਵੇਗਾ।
ਇਕ ਰਿਪੋਰਟ ਮੁਤਾਬਕ ਵਕਫ ਬੋਰਡ ਦੇ ਚੇਅਰਮੈਨ ਸ਼ਾਦਾਬ ਸ਼ਮਸ ਨੇ ਕਿਹਾ ਕਿ ਜਦੋਂ ਅਸੀਂ ਆਪਣੇ ਵਿਦਿਆਰਥੀਆਂ ਨੂੰ ਲਕਸ਼ਮਣ ਬਾਰੇ ਦੱਸ ਸਕਦੇ ਹਾਂ, ਜਿਸ ਨੇ ਆਪਣੇ ਵੱਡੇ ਭਰਾ ਲਈ ਸਭ ਕੁਝ ਕੁਰਬਾਨ ਕਰ ਦਿੱਤਾ, ਤਾਂ ਉਨ੍ਹਾਂ ਨੂੰ ਔਰੰਗਜ਼ੇਬ ਬਾਰੇ ਦੱਸਣ ਦੀ ਕੀ ਲੋੜ ਹੈ, ਜਿਸ ਨੇ ਗੱਦੀ ਹਾਸਲ ਕਰਨ ਲਈ ਆਪਣੇ ਭਰਾਵਾਂ ਨੂੰ ਮਾਰਿਆ ਸੀ। 4 ਪਛਾਣੇ ਗਏ ਮਦਰੱਸਿਆਂ ਵਿੱਚ ਵੀ ਢੁਕਵਾਂ ਡਰੈੱਸ ਕੋਡ ਲਾਗੂ ਕੀਤਾ ਜਾਵੇਗਾ।
