ਅੱਜਕੱਲ ਅਸੀਂ ਘਰ ਵਿਚ ਨੌਕਰ ਰੱਖ ਲੈਂਦੇ ਹਾਂ ਬਿਨ੍ਹਾਂ ਇਹ ਸੋਚੇ ਕਿ ਇਸਦਾ ਨਤੀਜ਼ਾ ਕੀ ਹੋਵੇਗਾ ਕੁਝ ਇਸੇ ਤਰ੍ਹਾਂ ਦਾ ਮਾਮਲਾ ਸਾਹਮਣੇ ਆਇਆਂ ਹੈ ਜਦੋਂ ਇਕ 14 ਸਾਲ ਦਾ ਨੌਕਰ ਰੱਖਣਾ ਪਰਿਵਾਰ ਨੂੰ ਭਾਰੀ ਪੈ ਗਿਆ ਬੀਤੇ ਦਿਨੀਂ ਥਾਣਾ PAU ਅਧੀਨ ਪੈਂਦੇ ਇਲਾਕਾ ਕਿਚਲੂ ਨਗਰ ਵਿਖੇ ਇੱਕ 14 ਸਾਲ ਦੇ ਨੌਕਰ ਨੇ ਆਪਣੇ ਸਾਥੀਆਂ ਨਾਲ ਮਿਲ ਕੇ ਆਪਣੇ ਹੀ ਮਾਲਿਕ ਦੀ ਕੋਠੀ ਵਿਚੋਂ ਲੱਖਾਂ ਦੇ ਗਹਿਣੇ ਤੇ ਨਕਦੀ ਚੋਰੀ ਕਰ ਲਈ ਸੀ, ਜਿਸਦੀ ਸ਼ਿਕਾਇਤ ਘਰ ਦੀ ਮਾਲਕਿਨ ਉਮਾ ਗੁਪਤਾ ਨੇ ਥਾਣਾ ਪੀ ਏ ਯੂ ਵਿੱਚ ਦਿੱਤੀ ਸੀ
ਤੇ ਕਾਰਵਾਈ ਕਰਦਿਆਂ ਥਾਣਾ ਪੁਲਿਸ ਨੇ ਟ੍ਰੈਪ ਲਗਾਕੇ ਅਰੋਪੀਆਂ ਨੂੰ ਕਾਬੂ ਕਰਕੇ ਉਨ੍ਹਾਂ ਕੋਲੋਂ 17 ਤੋਲੇ ਸੋਨੇ ਗਹਿਣੇ,ਅਤੇ ਚੋਰੀ ਕੀਤੀ ਰਕਮ ਵਿੱਚੋ 01 ਲੱਖ 67 ਹਜਾਰ ਰੁਪਏ ਬਰਾਮਦ ਹੋਏ ਹਨ ਬਾਕੀ ਦੀ ਰਕਮ ਬੱਚਿਆਂ ਵਲੋਂ ਖਰਚ ਕਰ ਦਿੱਤੀ ਗਈ
ਥਾਣਾ ਮੁਖੀ ਬਬਲਪਾਲ ਕੌਰ ਨੇ ਦੱਸਿਆ ਕਿ ਬੱਚਿਆਂ ਨੇ ਚੋਰੀ ਕਰਨ ਤੋਂ ਬਾਅਦ ਆਪਣੀ ਐਸ਼ ਪ੍ਰਸਤੀ ਲਈ ਆਈ ਫੋਨ ਖਰੀਦੇ, ਕਪੜੇ ਖਰੀਦੇ, ਅਤੇ ਹੋਟਲ ਵਿੱਚ ਕਮਰਾ ਬੁੱਕ ਕਰਵਾਕੇ ਐਸ਼ ਪ੍ਰਸਤੀ ਕੀਤੀ,ਉਨ੍ਹਾਂ ਕਿਹਾ ਕਿ ਸਾਰੇ ਅਰੋਪੀਆਂ ਦੀ ਉਮਰ 14 ਤੋਂ 15 ਸਾਲ ਦੀ ਹੈ
ਬਬਲਪਾਲ ਕੌਰ ਨੇ ਕਿਹਾ ਕਿ ਆਰੋਪੀ ਬੱਚਿਆਂ ਦੇ ਖਿਲਾਫ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
