ਪਿਆਰ ਦੀ ਤਲਾਸ਼ ‘ਚ ਇਹ ਹੀਰੋਇਨ… ਦੋ ਵਿਆਹ ਨਹੀਂ ਚੜ੍ਹੇ ਸਿਰੇ, ਕਹਿੰਦੀ- ਦੂਜਾ ਪਤੀ ਬਿਮਾਰ ਹੋਣ ‘ਤੇ ਵੀ ਕਰਦਾ ਸੀ ਰੇ+ਪ
ਮੁੰਬਈ (ਵੀਓਪੀ ਬਿਊਰੋ) ਮਸ਼ਹੂਰ ਟੀਵੀ ਅਦਾਕਾਰਾ ਚਾਹਤ ਖੰਨਾ ਨੇ ਆਪਣੇ ਪਤੀ ਫਰਹਾਨ ਮਿਰਜ਼ਾ ‘ਤੇ ਘਰੇਲੂ ਹਿੰਸਾ ਅਤੇ ਮਾਨਸਿਕ ਪਰੇਸ਼ਾਨੀ ਸਮੇਤ ਕਈ ਗੰਭੀਰ ਦੋਸ਼ ਲਗਾਏ ਹਨ। ਚਾਹਤ ਖੰਨਾ, ਜੋ ਕਿ ਟੀਵੀ ਸ਼ੋਅ *ਬੜੇ ਅੱਛੇ ਲਗਤੇ ਹੈ* ਵਿੱਚ ਆਇਸ਼ਾ ਦੀ ਭੂਮਿਕਾ ਲਈ ਮਸ਼ਹੂਰ ਹੈ, ਨੇ ਇਸ ਮੁੱਦੇ ‘ਤੇ ਖੁੱਲ੍ਹ ਕੇ ਗੱਲ ਕੀਤੀ ਹੈ। ਚਾਹਤ ਨੇ 2006 ਵਿੱਚ ਭਰਤ ਨਰਸਿਮਹਨ ਨਾਲ ਵਿਆਹ ਕੀਤਾ ਸੀ, ਜਦੋਂ ਉਹ ਸਿਰਫ਼ 20 ਸਾਲ ਦੀ ਸੀ। ਹਾਲਾਂਕਿ ਇਹ ਵਿਆਹ ਜ਼ਿਆਦਾ ਦੇਰ ਨਹੀਂ ਚੱਲ ਸਕਿਆ ਅਤੇ ਘਰੇਲੂ ਹਿੰਸਾ ਦਾ ਸਾਹਮਣਾ ਕਰਨ ਤੋਂ ਬਾਅਦ ਚਾਹਤ ਦਾ ਤਲਾਕ ਹੋ ਗਿਆ।
ਚਾਹਤ ਨੇ 2013 ਵਿੱਚ ਫਰਹਾਨ ਮਿਰਜ਼ਾ ਨਾਲ ਦੂਜੀ ਵਾਰ ਵਿਆਹ ਕੀਤਾ, ਜੋ ਮਸ਼ਹੂਰ ਲੇਖਕ ਸ਼ਾਹਰੁਖ ਮਿਰਜ਼ਾ ਦਾ ਪੁੱਤਰ ਹੈ। ਇਸ ਵਿਆਹ ਤੋਂ ਉਸ ਦੀਆਂ ਦੋ ਬੇਟੀਆਂ ਵੀ ਹੋਈਆਂ। ਪਰ 2018 ‘ਚ ਚਾਹਤ ਨੇ ਆਪਣਾ ਦੂਜਾ ਵਿਆਹ ਵੀ ਖਤਮ ਕਰ ਦਿੱਤਾ ਅਤੇ ਫਰਹਾਨ ‘ਤੇ ਘਰੇਲੂ ਹਿੰਸਾ ਅਤੇ ਮਾਨਸਿਕ ਪਰੇਸ਼ਾਨੀ ਦਾ ਦੋਸ਼ ਲਗਾਇਆ। ਚਾਹਤ ਖੰਨਾ ਨੇ ਦੋਸ਼ ਲਾਇਆ ਕਿ ਉਸ ਦੇ ਪਤੀ ਫਰਹਾਨ ਮਿਰਜ਼ਾ ਨੇ ਉਸ ਨੂੰ ਪੈਸਿਆਂ ਲਈ ਤੰਗ ਕੀਤਾ, ਜ਼ਬਰਦਸਤੀ ਕੀਤੀ ਅਤੇ ਉਸ ਦਾ ਅਪਮਾਨ ਕੀਤਾ। ਚਾਹਤ ਨੇ ਇਹ ਵੀ ਕਿਹਾ ਕਿ ਫਰਹਾਨ ਬੀਮਾਰ ਹੋਣ ਦੇ ਬਾਵਜੂਦ ਸਰੀਰਕ ਸਬੰਧਾਂ ਦੀ ਮੰਗ ਕਰਦਾ ਸੀ ਅਤੇ ਉਸ ਦੀਆਂ ਸ਼ੱਕੀ ਆਦਤਾਂ ਪ੍ਰੇਸ਼ਾਨ ਕਰਦੀਆਂ ਸਨ।
ਫਰਹਾਨ ਨੇ ਚਾਹਤ ‘ਤੇ ਰਿਭੂ ਮਹਿਰਾ ਨਾਲ ਅਫੇਅਰ ਹੋਣ ਦਾ ਦੋਸ਼ ਲਗਾਇਆ ਸੀ, ਜਿਸ ਨੂੰ ਚਾਹਤ ਨੇ ਮੰਨਿਆ, ਪਰ ਕਿਹਾ ਕਿ ਉਹ ਸਿਰਫ ਇਕ ਚੰਗਾ ਦੋਸਤ ਹੈ। ਚਾਹਤ ਨੇ ਦੱਸਿਆ ਕਿ ਉਸ ਨੇ ਗੁੱਸੇ ਅਤੇ ਤਣਾਅ ਵਿਚ ਉਸ ਸਮੇਂ ਇਹ ਗੱਲ ਸਵੀਕਾਰ ਕੀਤੀ, ਤਾਂ ਜੋ ਝਗੜਾ ਖਤਮ ਹੋ ਸਕੇ।
ਚਾਹਤ ਨੇ ਫਰਹਾਨ ਨੂੰ ‘ਸਾਈਕੋਪੈਥ’ ਦੱਸਿਆ ਅਤੇ ਕਿਹਾ ਕਿ ਉਸ ਨੇ ਉਸ ਨੂੰ ਧਮਕੀ ਦਿੱਤੀ ਸੀ ਕਿ ਜੇਕਰ ਉਸ ਨੇ ਦੁਬਾਰਾ ਵਿਆਹ ਕੀਤਾ ਤਾਂ ਉਹ ਉਸ ਨੂੰ ਮਾਰ ਦੇਵੇਗਾ। ਚਾਹਤ ਨੇ ਫਰਹਾਨ ਦੇ ਵਿਵਹਾਰ ਦੀ ਆਲੋਚਨਾ ਕਰਦੇ ਹੋਏ ਕਿਹਾ ਕਿ ਉਹ ਪਿਤਾ ਅਤੇ ਪਤੀ ਦੀਆਂ ਜ਼ਿੰਮੇਵਾਰੀਆਂ ਨੂੰ ਨਿਭਾਉਣ ਦੇ ਯੋਗ ਨਹੀਂ ਸੀ ਅਤੇ ਉਸਨੇ ਮੀਡੀਆ ਦੇ ਸਾਹਮਣੇ ਉਸਦੀ ਨਿੱਜੀ ਜ਼ਿੰਦਗੀ ਦਾ ਖੁਲਾਸਾ ਕੀਤਾ। ਚਾਹਤ ਨੇ ਦੱਸਿਆ ਕਿ ਹੁਣ ਉਹ ਇਸ ਵਿਆਹ ਤੋਂ ਬਾਹਰ ਹੋਣ ਲਈ ਤਿਆਰ ਹੈ ਅਤੇ ਆਪਣੇ ਕੰਮ ‘ਤੇ ਧਿਆਨ ਦੇਣ ਦੀ ਪੂਰੀ ਕੋਸ਼ਿਸ਼ ਕਰ ਰਹੀ ਹੈ।
