ਮੁੰਡੇ ਵਿਆਹ ਲਿਆਇਆ ਕਿੰਨਰ, ਮਾਂ ਪਾਣੀ ਵਾਰਨ ਦੀ ਜਗ੍ਹਾ ਹੋਈ ਬੇਹੋਸ਼
ਵੀਓਪੀ ਡੈਸਕ – ਇਕ ਨੌਜਵਾਨ ਗੋਲੂ ਦੀ ਮਾਂ ਉਸ ਵੇਲੇ ਬੇਹੋਸ਼ ਹੋ ਗਈ ਜਦੋਂ ਉਸਦਾ ਪੁੱਤ ਕਿੰਨਰ ਨੂੰ ਵਿਆਹ ਲਿਆਇਆ। ਦੱਸਿਆ ਜਾ ਰਿਹਾ ਹੈ ਕਿ ਕੁਝ ਦਿਨ ਪਹਿਲਾਂ ਇੱਕ ਡਾਂਸ ਪਾਰਟੀ ਵਿੱਚ ਕੰਮ ਕਰਨ ਦੌਰਾਨ ਕਰਗਹਰ ਨਿਵਾਸੀ ਗੋਲੂ ਕੁਮਾਰ ਨੂੰ ਪਾਨਾਪੁਰ ਦੇ ਰਹਿਣ ਵਾਲੇ ਕਿੰਨਰ ਨੰਦਨੀ ਨਾਲ ਪਿਆਰ ਹੋ ਗਿਆ ਸੀ, ਬਾਅਦ ਵਿੱਚ ਦੋਵਾਂ ਦਾ ਵਿਆਹ ਹੋ ਗਿਆ ਅਤੇ ਕਰਗਹਾਰ ਵਿੱਚ ਇੱਕ ਕਿਰਾਏ ਦੇ ਮਕਾਨ ਵਿੱਚ ਰਹਿਣ ਲੱਗ ਪਏ। ਜਦੋਂ ਪਰਿਵਾਰਕ ਮੈਂਬਰਾਂ ਨੂੰ ਇਸ ਬਾਰੇ ਪਤਾ ਲੱਗਿਆ ਤਾਂ ਗੋਲੂ ਨੂੰ ਦਬਾਅ ਬਣਾ ਕੇ ਕਿੰਨਰ ਨੰਦਨੀ ਤੋਂ ਵੱਖ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ। ਜਦੋਂ ਨੰਦਨੀ ਨੂੰ ਇਸ ਬਾਰੇ ਪਤਾ ਲੱਗਿਆ ਤਾਂ ਉਹ ਗੋਲੂ ਦੇ ਘਰ ਪਹੁੰਚ ਗਈ।
ਆਪਣੀ ਕਿੰਨਰ ਨੂੰਹ ਨੂੰ ਵੇਖ ਕੇ ਗੋਲੂ ਦੀ ਮਾਂ ਬੇਹੋਸ਼ ਹੋ ਗਈ। ਸਥਿਤੀ ਉਸ ਸਮੇਂ ਹੈਰਾਨੀ ਵਾਲੀ ਬਣ ਗਈ ਜਦੋਂ ਗੋਲੂ ਦੀ ਬੇਹੋਸ਼ ਮਾਂ ਦੇ ਸਿਰ ‘ਤੇ ਪਾਣੀ ਛਿੜਕ ਕੇ ਉਸ ਦੀ ਕਿੰਨਰ ਨੂੰਹ ਉਸ ਨੂੰ ਹੋਸ਼ ਵਿਚ ਲਿਆਉਣ ਲੱਗੀ। ਹਰ ਕੋਈ ਇਸ ਦ੍ਰਿਸ਼ ਨੂੰ ਵੇਖ ਕੇ ਹੈਰਾਨ ਰਹਿ ਗਿਆ। ਪਿੰਡ ਦੇ ਛੋਟੂ ਕੁਮਾਰ ਦਾ ਕਹਿਣਾ ਹੈ ਕਿ ਜਦੋਂ ਤੋਂ ਇਹ ਮਾਮਲਾ ਸਾਹਮਣੇ ਆਇਆ ਹੈ, ਉਦੋਂ ਤੋਂ ਗੋਲੂ ਦੇ ਪਰਿਵਾਰ ਵਿੱਚ ਕਲੇਸ਼ ਪੈਦਾ ਹੋ ਗਿਆ ਹੈ। ਗੋਲੂ ਦੀ ਮਾਂ ਵਾਰ ਵਾਰ ਬੇਹੋਸ਼ ਹੋ ਰਹੀ ਹੈ, ਅਤੇ ਨਾਲ ਹੀ ਉਸ ਦਾ ਪਰਿਵਾਰ ਸਮੱਸਿਆ ਦਾ ਹੱਲ ਨਾ ਲੱਭਣ ਤੋਂ ਚਿੰਤਤ ਹੈ।
