ਪਸੰਦ ਦੀ ਕੁੜੀ ਨਾਲ ਕੀਤੀ ਮੰਗਣੀ, ਅਗਲੇ ਦਿਨ ਪੱਖੇ ਨਾਲ ਲਟਕਦੀ ਮਿਲੀ ਲਾ+ਸ਼
ਫਾਜ਼ਿਲਕਾ (ਵੀਓਪੀ ਬਿਊਰੋ) ਇੱਕ ਨੌਜਵਾਨ ਨੇ ਆਪਣੀ ਮੰਗਣੀ ਤੋਂ ਦੂਜੇ ਦਿਨ ਹੀ ਖੁਦਕੁਸ਼ੀ ਕਰ ਲਈ। ਇਹ ਮਾਮਲਾ ਕਾਫੀ ਹੈਰਾਨ ਕਰਨ ਵਾਲਾ ਤੇ ਦਿਲ ਦਹਿਲਾ ਦੇਣ ਵਾਲਾ ਹੈ ਅਤੇ ਇਲਾਕੇ ਵਿੱਚ ਸੋਗ ਦਾ ਮਾਹੌਲ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਨੌਜਵਾਨ ਨੇ ਆਪਣੀ ਪਸੰਦ ਵਾਲੀ ਲੜਕੀ ਦੇ ਨਾਲ ਹੀ ਮੰਗਣੀ ਕੀਤੀ ਸੀ ਅਤੇ ਅਗਲੀ ਜ਼ਿੰਦਗੀ ਇਕੱਠਿਆ ਬਿਤਾਉਣ ਦੇ ਕਈ ਸੁਪਨੇ ਦੇਖੇ ਸੀ ਪਰ ਇਹ ਸੁਪਨੇ ਇੰਨੀ ਜਲਦੀ ਹੀ ਬਿਖਰ ਜਾਣਗੇ ਕਿਸੇ ਨੂੰ ਨਹੀਂ ਪਤਾ ਸੀ।
ਜਦ ਨੌਜਵਾਨ ਨੇ ਅਗਲੇ ਦਿਨ ਹੀ ਖੁਦਕੁਸ਼ੀ ਕੀਤੀ ਤਾਂ ਲੜਕੀ ਦੇ ਪੈਰਾਂ ਹੇਠੋਂ ਵੀ ਜ਼ਮੀਨ ਨਿਕਲ ਗਈ। ਫਿਲਹਾਲ ਸਾਰਾ ਮਾਮਲਾ ਪੁਲਿਸ ਦੇ ਵਿਚਾਰ ਅਧੀਨ ਹੈ।
ਫਾਜ਼ਿਲਕਾ ਦੇ ਤੇਲੀਆਂਵਾਲੀ ਗਲੀ ਵਿੱਚ ਇੱਕ ਘਰ ਵਿੱਚ ਇੱਕ ਨੌਜਵਾਨ ਦੀ ਲਾਸ਼ ਛੱਤ ਵਾਲੇ ਪੱਖੇ ਨਾਲ ਲਟਕਦੀ ਮਿਲੀ। ਪੁਲਿਸ ਅਤੇ ਸਥਾਨਕ ਨਿਵਾਸੀ ਮੌਕੇ ‘ਤੇ ਪਹੁੰਚੇ। ਸਥਾਨਕ ਨਿਵਾਸੀਆਂ ਦੇ ਅਨੁਸਾਰ, ਮ੍ਰਿਤਕ ਇੱਕ ਅਨਾਥ ਸੀ ਜਿਸਨੂੰ ਇੱਕ ਕਮੇਟੀ ਨੇ ਪਾਲਿਆ ਸੀ। ਆਪਣੇ ਦਾਦਾ-ਦਾਦੀ ਦੇ ਘਰ ਰਹਿ ਕੇ, ਮ੍ਰਿਤਕ ਨੇ ਇਲੈਕਟ੍ਰੀਕਲ ਇੰਜੀਨੀਅਰਿੰਗ ਦੀ ਪੜ੍ਹਾਈ ਕੀਤੀ ਸੀ ਅਤੇ ਇਲੈਕਟ੍ਰੀਸ਼ੀਅਨ ਬਣ ਗਿਆ ਸੀ। ਉਸਦੀ ਮੰਗਣੀ ਇੱਕ ਦਿਨ ਪਹਿਲਾਂ ਹੀ ਹੋਈ ਸੀ।
