ਬਾਹਰਵੀਂ ਫ਼ੇਲ ਕੰਗਨਾ ਰਣੌਤ ਨੂੰ ਹੋਇਆ ਕੋਰੋਨਾ, ਪੋਸਟ ਪਾ ਕੇ ਦਿੱਤੀ ਜਾਣਕਾਰੀ
ਮੁੰਬਈ (ਵੀਓਪੀ ਬਿਊਰੋ) – ਬਾਲੀਵੁੱਡ ਅਦਾਕਾਰਾ ਬਾਹਰਵੀਂ ਫ਼ੇਲ ਕੰਗਨਾ ਰਣੌਤ ਦਾ ਕੋਰੋਨਾ ਵਾਇਰਸ ਟੈਸਟ ਪਾਜ਼ੇਟਿਵ ਆਇਆ ਹੈ। ਉਹਨਾਂ ਨੇ ਇੰਸਟਾਗ੍ਰਾਮ ’ਤੇ ਇਕ ਪੋਸਟ ਜ਼ਰੀਏ ਜਾਣਕਾਰੀ ਸਾਂਝੀ ਕੀਤੀ। ਉਹਨਾਂ ਦੱਸਿਆ ਕਿ ਉਹਨਾਂ ਨੇ ਖੁਦ ਨੂੰ ਮੁੰਬਈ ਸਥਿਤ ਘਰ ਵਿਚ ਇਕਾਂਤਵਾਸ ਕਰ ਲਿਆ ਹੈ।
ਕੰਗਨਾ ਨੇ ਇੰਸਟਾਗ੍ਰਾਮ ’ਤੇ ਲਿਖਿਆ, ‘ਪਿਛਲੇ ਕੁਝ ਦਿਨਾਂ ਤੋਂ ਮੈਂ ਥਕਾਵਟ ਅਤੇ ਕਮਜ਼ੋਰੀ ਮਹਿਸੂਸ ਕਰ ਰਹੀ ਸੀ ਅਤੇ ਮੇਰੀਆਂ ਅੱਖਾਂ ਵਿਚ ਹਲਕੀ ਜਲਣ ਹੋ ਰਹੀ ਸੀ। ਹਿਮਾਚਲ ਜਾਣ ਦੀ ਉਮੀਦ ਵਿਚ ਕੱਲ ਮੈਂ ਅਪਣੀ ਜਾਂਚ ਕਰਵਾਈ ਸੀ ਅਤੇ ਅੱਜ ਇਸ ਦਾ ਨਤੀਜਾ ਆਇਆ ਹੈ। ਮੈਂ ਕੋਵਿਡ ਪਾਜ਼ੇਟਿਵ ਹਾਂ। ਮੈਂ ਖੁਦ ਨੂੰ ਕੁਆਰੰਟੀਨ ਕਰ ਲਿਆ ਹੈ’।
ਕੰਗਨਾ ਨੇ ਅੱਗੇ ਲਿਖਿਆ, ‘ਮੈਨੂੰ ਬਿਲਕੁਲ ਵੀ ਨਹੀਂ ਪਤਾ ਸੀ ਕਿ ਇਹ ਵਾਇਰਸ ਮੇਰੇ ਸਰੀਰ ਵਿਚ ਹੈ। ਹੁਣ ਮੈਨੂੰ ਪਤਾ ਹੈ ਮੈਂ ਇਸ ਨੂੰ ਖ਼ਤਮ ਕਰ ਦੇਵਾਂਗੀ। ਜੇਕਰ ਤੁਸੀਂ ਡਰ ਗਏ ਤਾਂ ਇਹ ਤੁਹਾਨੂੰ ਹੋਰ ਡਰਾਵੇਗਾ। ਆਓ ਇਸ ਕੋਵਿਡ-19 ਨੂੰ ਖਤਮ ਕਰੀਏ। ਇਹ ਕੁਝ ਵੀ ਨਹੀਂ ਹੈ ਇਕ ਮਾਮੂਲੀ ਫਲੂ ਹੈ’।
