ਪਾਕਿ-ਅਫਗਾਨ ਨੇ ਕਤਰ ‘ਚ ਬੈਠ ਕੀਤੀ ਸੁਲਾਹ, ਟਰੰਪ ਬੋਲਿਆ- ਮੈਂ ਰੁਕਵਾ ਦੇਣਾ ਸੀ ਯੁੱ+ਧ ਤਾਂ, ਪਹਿਲਾਂ ਵੀ 8 ਰੁਕਵਾਏ

ਪਾਕਿ-ਅਫਗਾਨ ਨੇ ਕਤਰ ‘ਚ ਬੈਠ ਕੀਤੀ ਸੁਲਾਹ, ਟਰੰਪ ਬੋਲਿਆ- ਮੈਂ ਰੁਕਵਾ ਦੇਣਾ ਸੀ ਯੁੱ+ਧ ਤਾਂ, ਪਹਿਲਾਂ ਵੀ 8 ਰੁਕਵਾਏ

ਨਵੀਂ ਦਿੱਲੀ (ਵੀਓਪੀ ਬਿਊਰੋ) ਪਾਕਿਸਤਾਨ ਤੇ ਅਫਗਾਨਿਸਤਾਨ ਵਿਚਾਲੇ ਯੁੱਧ ਰੁੱਕ ਗਿਆ ਹੈ, ਦੋਵੇਂ ਦੇਸ਼ ਯੁੱਧ ਬੰਦੀ ਲਈ ਤਿਆਰ ਹੋ ਗਏ ਹਨ। ਕਤਰ ਦੇ ਵਿਦੇਸ਼ ਮੰਤਰਾਲੇ ਨੇ ਐਤਵਾਰ ਸਵੇਰੇ ਐਲਾਨ ਕੀਤਾ ਕਿ ਦੋਹਾ ਵਿੱਚ ਗੱਲਬਾਤ ਦੌਰਾਨ ਪਾਕਿਸਤਾਨ ਅਤੇ ਅਫਗਾਨਿਸਤਾਨ ਤੁਰੰਤ ਜੰਗਬੰਦੀ ‘ਤੇ ਸਹਿਮਤ ਹੋ ਗਏ ਹਨ।

ਕਤਰ ਨੇ ਕਿਹਾ ਕਿ ਦੋਵੇਂ ਦੇਸ਼ ਆਉਣ ਵਾਲੇ ਦਿਨਾਂ ਵਿੱਚ ਹੋਰ ਮੀਟਿੰਗਾਂ ਕਰਨਗੇ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਜੰਗਬੰਦੀ ਸਥਾਈ ਅਤੇ ਪ੍ਰਭਾਵਸ਼ਾਲੀ ਹੈ। ਇਹ ਗੱਲਬਾਤ ਹਾਲ ਹੀ ਵਿੱਚ ਹੋਈਆਂ ਸਰਹੱਦੀ ਝੜਪਾਂ ਤੋਂ ਬਾਅਦ ਹੋਈ ਹੈ, ਜਿਨ੍ਹਾਂ ਨੂੰ 2021 ਵਿੱਚ ਤਾਲਿਬਾਨ ਦੇ ਸੱਤਾ ਵਿੱਚ ਆਉਣ ਤੋਂ ਬਾਅਦ ਸਭ ਤੋਂ ਗੰਭੀਰ ਮੰਨਿਆ ਜਾਂਦਾ ਹੈ।

ਇਸ ਤੋਂ ਪਹਿਲਾਂ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਦਾਅਵਾ ਕੀਤਾ ਕਿ ਅਫਗਾਨਿਸਤਾਨ-ਪਾਕਿਸਤਾਨ ਟਕਰਾਅ ਨੂੰ ਹੱਲ ਕਰਨਾ ਉਨ੍ਹਾਂ ਲਈ ਆਸਾਨ ਹੋਵੇਗਾ। ਵ੍ਹਾਈਟ ਹਾਊਸ ਵਿਖੇ ਪੱਤਰਕਾਰਾਂ ਨਾਲ ਗੱਲ ਕਰਦੇ ਹੋਏ ਟਰੰਪ ਨੇ ਕਿਹਾ, “ਹਾਲਾਂਕਿ ਮੈਂ ਸਮਝਦਾ ਹਾਂ ਕਿ ਪਾਕਿਸਤਾਨ ਨੇ ਹਮਲਾ ਕੀਤਾ, ਜਾਂ ਅਫਗਾਨਿਸਤਾਨ ‘ਤੇ ਹਮਲਾ ਕੀਤਾ ਜਾ ਰਿਹਾ ਹੈ, ਜੇਕਰ ਮੈਨੂੰ ਇਸ ਨੂੰ ਹੱਲ ਕਰਨਾ ਹੈ, ਤਾਂ ਇਹ ਮੇਰੇ ਲਈ ਆਸਾਨ ਹੈ।

ਇਸ ਦੌਰਾਨ, ਮੈਨੂੰ ਅਮਰੀਕਾ ਦੀ ਵੀ ਦੇਖਭਾਲ ਕਰਨੀ ਪਵੇਗੀ, ਪਰ ਮੈਂ ਯੁੱਧ ਨੂੰ ਹੱਲ ਕਰਨਾ ਪਸੰਦ ਕਰਦਾ ਹਾਂ।” ਉਨ੍ਹਾਂ ਕਿਹਾ ਕਿ- ਮੈਂ ਤਾਂ ਪਹਿਲਾਂ ਹੀ 8 ਯੁੱਧ ਰੁਕਵਾਏ ਨੇ ਹੁਣ ਇਹ 9ਵਾਂ ਵੀ ਰੁਕਵਾ ਦਿੰਦਾ ਹਾਂ।