ਵਿਆਹ ਤੋਂ ਬਾਅਦ ਪੈਸੇ ਲਾ ਕੇ ਵਿਦੇਸ਼ ਭੇਜੀ ਘਰਵਾਲੀ ਨੇ ਬਦਲੇ ਰੰਗ, ਮੁੰਡਾ ਚਲਾ ਗਿਆ ਡਿਪਰੈਸ਼ਨ ‘ਚ

ਵਿਆਹ ਤੋਂ ਬਾਅਦ ਪੈਸੇ ਲਾ ਕੇ ਵਿਦੇਸ਼ ਭੇਜੀ ਘਰਵਾਲੀ ਨੇ ਬਦਲੇ ਰੰਗ, ਮੁੰਡਾ ਚਲਾ ਗਿਆ ਡਿਪਰੈਸ਼ਨ ‘ਚ

ਗੁਰਦਾਸਪੁਰ (ਵੀਓਪੀ ਬਿਊਰੋ) ਅੱਜ-ਕੱਲ ਅਜਿਹੇ ਬਹੁਤ ਮਾਮਲੇ ਸਾਹਮਣੇ ਆ ਰਹੇ ਹਨ, ਜਿਸ ਵਿੱਚ ਕੁੜੀਆਂ ਮੁੰਡਿਆਂ ਦਾ ਇਸਤੇਮਾਲ ਕਰ ਕੇ ਬਾਅਦ ਵਿੱਚ ਮੁਕਰ ਜਾਂਦੀਆਂ ਹਨ। ਕਈ ਮਾਮਲਿਆਂ ਵਿੱਚ ਤਾਂ ਕੁੜੀਆਂ ਮੁੰਡੇ ਵਾਲਿਆਂ ਦਾ ਵਾਧੂ ਖਰਚ ਕਰਵਾ ਕੇ ਵਿਦੇਸ਼ ਚਲੀਆਂ ਜਾਂਦੀਆਂ ਹਨ ਅਤੇ ਉੱਥੇ ਪਹੁੰਚ ਕੇ ਧੋਖਾ ਦੇ ਦਿੰਦੀਆਂ ਹਨ।

ਇਸੇ ਤਰ੍ਹਾਂ ਦੇ ਇੱਕ ਮਾਮਲੇ ਵਿੱਚ ਗੁਰਦਾਸਪੁਰ ਦੇ ਸਾਹਿਲ ਗਿੱਲ ਨਾਲ ਵੀ ਠੱਗੀ ਵੱਜੀ ਹੈ। ਉਸਨੇ ਇੰਸਟਾਗਰਾਮ ‘ਤੇ ਦੋਸਤੀ ਕਰ ਕੇ ਫਜ਼ਿਲਕਾ ਦੀ ਇੱਕ ਲੜਕੀ ਨਾਲ ਵਿਆਹ ਕਰਵਾ ਲਿਆ ਤੇ ਬਕਾਇਦਾ ਚਰਚ ਵਿੱਚ ਮੈਰਿਜ ਕਰਵਾਉਣ ਤੋਂ ਬਾਅਦ ਕੋਰਟ ਮੈਰਿਜ ਰਜਿਸਟਰਡ ਵੀ ਕਰਵਾਈ ਸੀ, ਫਿਰ ਆਪਣਾ ਖਰਚਾ ਕਰਕੇ ਨੂੰ ਲੜਕੀ ਨੂੰ ਵਿਦੇਸ਼ ਭੇਜ ਦਿੱਤਾ ਤਾਂ ਜੋ ਲੜਕੀ ਉਸਨੂੰ ਵੀ ਵਿਦੇਸ਼ ਬੁਲਾ ਸਕੇ ਪਰ ਉੱਥੇ ਜਾ ਕੇ ਲੜਕੀ ਨੇ ਹੋਰ ਪੈਸੇ ਮੰਗਣੇ ਸ਼ੁਰੂ ਕਰ ਦਿੱਤੇ ਤੇ ਮੁਕਰ ਗਈ। ਹਾਲਾਂਕਿ ਮਾਮਲੇ ਦੀ ਐੱਫਆਈਆਰ ਵੀ ਦੋ ਸਾਲ ਪਹਿਲਾਂ ਦਰਜ ਹੋ ਗਈ, ਜਿਸ ਵਿੱਚ ਲੜਕੀ ਲੜਕੇ ਦੇ ਪਿਤਾ ਤੇ ਲੜਕੀ ਦੀ ਮਾਂ ਨੂੰ ਸ਼ਾਮਿਲ ਕੀਤਾ ਗਿਆ ਹੈ ਪਰ ਉਹਨਾਂ ਦੀ ਜ਼ਮਾਨਤ ਹੋ ਗਈ ਹੈ ਪਰ ਇੱਧਰ ਲੜਕਾ ਡਿਪਰੈਸ਼ਨ ਅਤੇ ਹੋਰ ਕਈ ਬਿਮਾਰੀਆਂ ਦਾ ਸ਼ਿਕਾਰ ਹੋ ਰਿਹਾ ਹੈ।