ਨਕਲੀ ਆਰਮੀ ਅਫਸਰ ਬਣ ਕੇ ਵੜ ਗਿਆ ਮਿਲਟਰੀ ਹਸਪਤਾਲ ‘ਚ, ਜਦ ਤਲਾਸ਼ੀ ਲਈ ਤਾਂ ਕਾਰ ‘ਚੋਂ ਲੈਪਟਾਪ ਤੋਂ ਲੈ ਕੇ ਮਿਲਿਆ ਇਹ ਸਾਮਾਨ…
ਵੀਓਪੀ ਬਿਊਰੋ – ਪਠਾਨਕੋਟ ਦੇ ਮਿਲਟਰੀ ਹਸਪਤਾਲ ਵਿਚ ਸੁਰੱਖਿਆ ਵਿਚ ਵੱਡੀ ਸੇਧਮਾਰੀ ਦੀ ਘਟਨਾ ਸਾਹਮਣੇ ਆ ਰਹੀ ਹੈ। ਪਰ ਉਕਤ ਸ਼ੱਕੀ ਦੋਸ਼ੀ ਨੂੰ ਸਮਾਂ ਰਹਿੰਦੇ ਹੋਏ ਕਾਬੂ ਕਰ ਲਿਆ ਗਿਆ ਹੈ। ਤੁਹਾਨੂੰ ਦੱਸ ਦੇਇਏ ਕਿ ਆਈਬੀ ਦੇ ਅੱਤਵਾਦੀ ਹਮਲੇ ਦੀ ਚਿਤਾਵਨੀ ਤੋਂ ਬਾਅਦ ਇਹ ਘਟਨਾ ਸਾਹਮਣੇ ਆਈ ਹੈ ਅਤੇ ਇਸ ਸਮੇਂ ਆਰਮੀ ਇੰਟੈਲੀਜੈਂਸ ਦੀ ਗ੍ਰਿਫਤ ਵਿਚ ਆਏ ਦਿੱਲੀ ਦੇ ਰਹਿਣ ਵਾਲੇ ਉਕਤ ਦੋਸ਼ੀ ਰਾਜੇਸ਼ ਕੁਮਾਰ ਨਰਹੋਤਰਾ ਕੋਲੋਂ ਪੁੱਛ ਗਿੱਛ ਕੀਤੀ ਜਾ ਰਹੀ ਹੈ ਅਤੇ ਇਸ ਦੌਰਾਨ ਉਸ ਕੋਲੋਂ ਤਲਾਸ਼ੀ ਦੌਰਾਨ ਆਧਾਰ ਕਾਰਡ, ਲੈਪਟਾਪ, ਇੱਕ ਪੈੱਨ ਡਰਾਈਵ, ਬਾਹਰੀ ਸੀਡੀ ਰਾਈਟਰ, ਓਪੀਪੀਓ ਦਾ ਮੋਬਾਈਲ ਫੋਨ, ਮਲਟੀ-ਕਨੈਕਸ਼ਨ ਯੂਐਸਬੀ ਡਰਾਈਵ, ਪ੍ਰੋਗਰਾਮ ਉਪਕਰਣ ਅਤੇ ਯੂਨੀਸਨ ਇੰਜੀਨੀਅਰ ਐਂਟਰਪ੍ਰਾਈਜ਼ ਜਨਕ ਪੁਰੀ ਦਿੱਲੀ ਦਾ ਸਟੈਂਪ ਬਰਾਮਦ ਕੀਤਾ ਗਿਆ ਹੈ।
