ਇਸਲਾਮਿਕ ਸਟੇਟ ਨਾਲ ਜੁੜੇ ਅੱਤਵਾਦੀਆਂ ਵੱਲੋਂ ਸਕੂਲ ‘ਚ ਹਮਲਾ, ਬੱਚਿਆਂ ਸਣੇ 40 ਜਣਿਆਂ ਦੀ ਮੌਤ
ਯੂਗਾਂਡਾ (ਵੀਓਪੀ ਬਿਊਰੋ) ਯੂਗਾਂਡਾ ‘ਚ ਇਸਲਾਮਿਕ ਸਟੇਟ ਨਾਲ ਜੁੜੇ ਅੱਤਵਾਦੀਆਂ ਵੱਲੋਂ ਸਕੂਲ ‘ਤੇ ਕੀਤੇ ਗਏ ਹਮਲੇ ‘ਚ ਘੱਟੋ-ਘੱਟ 40 ਲੋਕਾਂ ਦੀ ਮੌਤ ਹੋ ਗਈ ਅਤੇ 8 ਹੋਰ ਗੰਭੀਰ ਜ਼ਖਮੀ ਹੋ ਗਏ। ਪੁਲਿਸ ਨੇ ਸ਼ਨੀਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਅੰਤਰਰਾਸ਼ਟਰੀ ਮੀਡੀਆ ਦੀਆਂ ਰਿਪੋਰਟਾਂ ਮੁਤਾਬਕ ਇਹ ਹਮਲਾ ਮਪੋਂਡਵੇ ਦੇ ਲੁਬਿਰਿਹਾ ਸੈਕੰਡਰੀ ਸਕੂਲ ਵਿੱਚ ਹੋਇਆ।
ਪੁਲਿਸ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਇਹ ਹਮਲਾ ਕਾਂਗੋ ਲੋਕਤੰਤਰੀ ਗਣਰਾਜ (ਡੀਆਰਸੀ) ਵਿੱਚ ਸਥਿਤ ਯੂਗਾਂਡਾ ਦੇ ਸਮੂਹ ਅਲਾਇਡ ਡੈਮੋਕਰੇਟਿਕ ਫੋਰਸਿਜ਼ (ਏਡੀਐਫ) ਦੁਆਰਾ ਕੀਤਾ ਗਿਆ ਸੀ। ਪੁਲਿਸ ਨੇ ਕਿਹਾ ਕਿ ਸਿਪਾਹੀ ਉਸ ਸਮੂਹ ਦਾ ਪਿੱਛਾ ਕਰ ਰਹੇ ਸਨ ਜੋ ਡੀਆਰਸੀ ਵਿੱਚ ਵਿਰੁੰਗਾ ਨੈਸ਼ਨਲ ਪਾਰਕ ਵੱਲ ਭੱਜਿਆ ਸੀ।
ਰਾਸ਼ਟਰੀ ਪੁਲਿਸ ਦੇ ਬੁਲਾਰੇ ਫਰੇਡ ਏਨਾਗਾ ਦੇ ਹਵਾਲੇ ਨਾਲ ਕਿਹਾ ਕਿ ਸਕੂਲ ਵਿੱਚੋਂ ਹੁਣ ਤੱਕ 40 ਲਾਸ਼ਾਂ ਬਰਾਮਦ ਕੀਤੀਆਂ ਗਈਆਂ ਹਨ, ਜਿਨ੍ਹਾਂ ਨੂੰ ਬਾਵੇਰਾ ਹਸਪਤਾਲ ਭੇਜਿਆ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਸ਼ੁੱਕਰਵਾਰ ਰਾਤ ਨੂੰ ਹੋਏ ਹਮਲੇ ਦੌਰਾਨ ਸਕੂਲ ਦੇ ਇੱਕ ਡੌਰਮੇਟਰੀ ਨੂੰ ਅੱਗ ਲਗਾ ਦਿੱਤੀ ਗਈ ਸੀ ਅਤੇ ਖਾਣੇ ਦੇ ਸਟਾਲ ਨੂੰ ਲੁੱਟ ਲਿਆ ਗਿਆ ਸੀ।
ਡੀਆਰਸੀ ਦੇ ਨਾਲ ਯੂਗਾਂਡਾ ਦੀ ਸਰਹੱਦ ਤੋਂ ਦੋ ਕਿਲੋਮੀਟਰ ਤੋਂ ਵੀ ਘੱਟ ਦੂਰੀ ‘ਤੇ ਸਕੂਲ ‘ਤੇ ਹਮਲਾ, ਕਈ ਸਾਲਾਂ ਵਿੱਚ ਪਹਿਲਾ ਹੈ। ADF ਬਾਗੀ ਪਿਛਲੇ ਦੋ ਦਹਾਕਿਆਂ ਤੋਂ ਡੀਆਰਸੀ ਦੀ ਸਰਹੱਦ ਤੋਂ ਕੰਮ ਕਰ ਰਹੇ ਹਨ
