ਕਰਵਾਚੌਥ ਵਾਲੇ ਦਿਨ ਆਪਣੇ ਜੀਜੇ ਨਾਲ ਫਰਾਰ ਹੋਈ ਘਰਵਾਲੀ, ਪਤੀ ਕਰਵਾਉਂਦਾ ਰਹਿ ਗਿਆ ਵਰਤ ਦੀ ਖਰੀਦਦਾਰੀ
ਵੀਓਪੀ ਬਿਊਰੋ, ਨੈਸ਼ਨਲ-ਯੂਪੀ ਦੇ ਮੇਰਠ ਜ਼ਿਲ੍ਹੇ ‘ਚੋਂ ਇਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਕਰਵਾਚੌਥ ਦੀ ਸਾਰੀ ਖਰੀਦਦਾਰੀ ਪਤੀ ਨਾਲ ਕਰ ਕੇ ਪਤਨੀ ਆਪਣੇ ਜੀਜੇ ਨਾਲ ਫਰਾਰ ਹੋ ਗਈ। ਪਤੀ ਨੇ ਦੱਸਿਆ ਕਿ ਮੇਰੀ ਪਤਨੀ ਨੇ ਕਰਵਾ ਚੌਥ ਦੀ ਖਰੀਦਦਾਰੀ ਮੇਰੇ ਨਾਲ ਕੀਤੀ। ਮੈਂ ਕਰਵਾ ਚੌਥ ਲਈ ਸਾਰੀਆਂ ਜ਼ਰੂਰੀ ਚੀਜ਼ਾਂ ਉਸ ਨੂੰ ਖਰੀਦ ਕੇ ਦਿਤੀਆਂ । ਹਰ ਸਾਲ ਅਸੀਂ ਦੋਵੇਂ ਕਰਵਾ ਚੌਥ ਦੀ ਖਰੀਦਦਾਰੀ ਇਸੇ ਤਰ੍ਹਾਂ ਕਰਦੇ ਸੀ। ਅਸੀਂ ਦੋਵੇਂ ਇੱਕ ਦੂਜੇ ਲਈ ਕਰਵਾ ਚੌਥ ਦਾ ਵਰਤ ਰੱਖਦੇ ਸੀ ਪਰ ਕਰਵਾ ਚੌਥ ਵਾਲੇ ਦਿਨ ਪਤਨੀ ਆਪਣੀ ਜੀਜੇ ਨਾਲ ਭੱਜ ਗਈ ਤੇ ਮੈਂ ਉਡੀਕਦਾ ਰਿਹਾ..!!
ਉੱਤਰ ਪ੍ਰਦੇਸ਼ ਦੇ ਮੇਰਠ ਜ਼ਿਲ੍ਹੇ ਦੇ ਜਾਨੀ ਥਾਣਾ ਖੇਤਰ ਦੇ ਸਿਸੌਲਾ ਪਿੰਡ ਦੇ ਰਹਿਣ ਵਾਲੇ ਇੱਕ ਨੌਜਵਾਨ ਨੇ ਥਾਣੇ ਵਿੱਚ ਦਰਖਾਸਤ ਦਿੱਤੀ ਹੈ। ਪਤੀ ਨੇ ਆਪਣੀ ਸ਼ਿਕਾਇਤ ਵਿੱਚ ਕਿਹਾ ਹੈ ਕਿ ਉਸ ਦਾ ਜੀਜਾ ਉਸ ਦੀ ਪਤਨੀ ਨੂੰ ਵਰਗਲਾ ਕੇ ਆਪਣੇ ਨਾਲ ਲੈ ਗਿਆ। ਜਦੋਂ ਪੀੜਤ ਨੇ ਆਪਣੇ ਸਹੁਰੇ ਘਰ ਜਾ ਕੇ ਪੁੱਛਣ ਦੀ ਕੋਸ਼ਿਸ਼ ਕੀਤੀ ਤਾਂ ਉਥੋਂ ਵੀ ਕੁਝ ਨਹੀਂ ਮਿਲਿਆ। ਇਸ ਤੋਂ ਬਾਅਦ ਉਸ ਨੇ ਥਾਣੇ ‘ਚ ਸ਼ਿਕਾਇਤ ਦਰਜ ਕਰਵਾਈ। ਪਤੀ ਨੂੰ ਡਰ ਹੈ ਕਿ ਪਤਨੀ ਦਾ ਜੀਜਾ ਉਸ ਨੂੰ ਕਿਸੇ ਨਾਜਾਇਜ਼ ਕੰਮ ਵਿਚ ਸ਼ਾਮਲ ਕਰ ਸਕਦਾ ਹੈ।
ਦਰਅਸਲ, ਸਿਸੌਲਾ ਪਿੰਡ ਦੇ ਰਹਿਣ ਵਾਲੇ ਰਾਮਫਲ ਦੇ ਪੁੱਤਰ ਅਸ਼ੋਕ ਕੁਮਾਰ ਦਾ ਵਿਆਹ ਸਾਲ 2019 ਵਿੱਚ ਗੰਗਾਨਗਰ ਥਾਣਾ ਖੇਤਰ ਦੇ ਅਮਹੇਡਾ ਆਦਿਪੁਰ ਪਿੰਡ ਵਾਸੀ ਮਰਹੂਮ ਲਖੀਰਾਮ ਦੀ ਧੀ ਪ੍ਰਿਆ ਨਾਲ ਹੋਇਆ ਸੀ। ਦੋਵਾਂ ਦਾ 18 ਮਹੀਨਿਆਂ ਦਾ ਵਿਸ਼ੂ ਨਾਂ ਦਾ ਬੇਟਾ ਵੀ ਹੈ। ਅਸ਼ੋਕ ਦਾ ਜੀਜਾ ਰਾਹੁਲ ਜੋ ਕਿ ਫਾਜ਼ਲਪੁਰ ਕਸਬਾ ਦਾ ਰਹਿਣ ਵਾਲਾ ਹੈ, ਅਸ਼ੋਕ ਦੇ ਘਰ ਬਹੁਤ ਆਉਂਦਾ ਜਾਂਦਾ ਸੀ। ਅਸ਼ੋਕ ਨੇ ਦੱਸਿਆ ਕਿ ਰਾਹੁਲ ਉਸ ਦੀ ਗੈਰ-ਹਾਜ਼ਰੀ ਵਿੱਚ ਵੀ ਘਰ ਆਉਂਦਾ ਸੀ। ਪੀੜਤ ਦਾ ਕਹਿਣਾ ਹੈ ਕਿ ਰਾਹੁਲ ਨੇ ਉਸ ਦੀ ਪਤਨੀ ਨੂੰ ਵਰਗਲਾ ਕੇ ਆਪਣੇ ਅਧੀਨ ਕਰ ਲਿਆ ਸੀ। ਜਦੋਂਕਿ ਰਾਹੁਲ ਨੇ ਆਪਣੀ ਪਤਨੀ ਨੂੰ ਕਾਫੀ ਸਮਝਾਇਆ ਅਤੇ ਰਾਹੁਲ ਨੂੰ ਉਸ ਦੇ ਘਰ ਆਉਣ ਤੋਂ ਰੋਕ ਦਿੱਤਾ।
ਅਸ਼ੋਕ 27 ਅਕਤੂਬਰ ਨੂੰ ਕੰਮ ‘ਤੇ ਗਿਆ ਸੀ। ਇਸੇ ਦੌਰਾਨ ਉਸ ਦਾ ਜੀਜਾ ਰਾਹੁਲ ਮੇਰੀ ਗੈਰ-ਹਾਜ਼ਰੀ ਵਿੱਚ ਘਰ ਆਇਆ ਅਤੇ ਉਸ ਦੀ ਪਤਨੀ ਨੂੰ ਵਰਗਲਾ ਕੇ ਬੱਚੇ ਸਮੇਤ ਲੈ ਗਿਆ। ਪਤਨੀ ਘਰ ‘ਚ ਰੱਖੇ ਸੋਨੇ-ਚਾਂਦੀ ਦੇ ਗਹਿਣੇ ਅਤੇ 15 ਹਜ਼ਾਰ ਦੇ ਕਰੀਬ ਵਾਲ ਆਪਣੇ ਨਾਲ ਲੈ ਗਈ। ਸ਼ਾਮ ਨੂੰ ਜਦੋਂ ਉਹ ਕੰਮ ਤੋਂ ਵਾਪਿਸ ਆਇਆ ਤਾਂ ਉਸ ਨੂੰ ਗੁਆਂਢ ਤੋਂ ਪਤਾ ਲੱਗਾ ਕਿ ਰਾਹੁਲ ਉਸ ਦੀ ਪਤਨੀ ਨੂੰ ਆਪਣੇ ਨਾਲ ਲੈ ਗਿਆ ਹੈ। ਸ਼ਿਕਾਇਤ ਦੇਣ ਤੋਂ ਬਾਅਦ ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
