ਸਮੂਹਿਕ ਵਿਆਹ ਸਮਾਗਮ ਵਿਚ ਧੀ ਦਾ ਕਰਵਾਉਣ ਲੱਗਾ ਵਿਆਹ, ਗੁੱਸੇ ਵਿਚ ਆਈ ਨੇ ਸੁੱਤੇ ਪਿਓ ਦੇ ਸਿਰ ਉਤੇ ਡੰਡੇ ਨਾਲ ਕੀਤੇ ਵਾਰ, ਮੌ.ਤ
ਵੀਓਪੀ ਬਿਊਰੋ, ਨੈਸ਼ਨਲ-ਸਮੂਹਿਕ ਵਿਆਹ ਸਮਾਗਮ ਵਿਚ ਧੀ ਦਾ ਵਿਆਹ ਕਰਵਾਉਣ ਦੀ ਜ਼ਿੱਦ ਇਕ ਪਿਤਾ ਨੂੰ ਲੈ ਡੁੱਬੀ। ਵੱਖਰਾ ਤੇ ਪੂਰੇ ਰੀਤੀ ਰਿਵਾਜਾਂ ਨਾਲ ਵਿਆਹ ਕਰਵਾਉਣ ਉਤੇ ਅੜੀ ਧੀ ਨੇ ਸੁੱਤੇ ਪਿਓ ਨੂੰ ਮੌ+ਤ ਦੇ ਘਾਟ ਉਤਾਰ ਦਿੱਤਾ।
ਮਾਮਲਾ ਰਾਜਸਥਾਨ ਦੇ ਨਾਗੌਰ ਜ਼ਿਲ੍ਹੇ ਦੇ ਪੰਚੌਰੀ ਥਾਣਾ ਖੇਤਰ ਤੋਂ ਸਾਹਮਣੇ ਆਇਆ ਹੈ। ਧੀ ਆਪਣੇ ਪਿਤਾ ਤੋਂ ਨਾਰਾਜ਼ ਸੀ ਕਿਉਂਕਿ ਉਹ ਉਸ ਦਾ ਵਿਆਹ ਸਮੂਹਿਕ ਵਿਆਹ ਸੰਮੇਲਨ ਵਿੱਚ ਕਰਵਾਉਣ ਜਾ ਰਿਹਾ ਸੀ। ਜਦੋਂ ਕਿ ਉਹ ਚਾਹੁੰਦੀ ਸੀ ਕਿ ਉਸਦਾ ਵਿਆਹ ਵੱਖਰਾ ਅਤੇ ਪੂਰੀਆਂ ਰਸਮਾਂ ਨਾਲ ਹੋਵੇ। ਪਰ ਜਦੋਂ ਪਿਤਾ ਆਪਣੇ ਫੈਸਲੇ ਤੋਂ ਪਿੱਛੇ ਨਹੀਂ ਹਟਿਆ ਤਾਂ ਗੁੱਸੇ ‘ਚ ਆ ਕੇ ਧੀ ਨੇ ਰਾਤ ਨੂੰ ਗੂੜ੍ਹੀ ਨੀਂਦ ‘ਚ ਪਿਤਾ ‘ਤੇ ਹਮਲਾ ਕਰ ਕੇ ਉਸ ਨੂੰ ਸਦਾ ਲਈ ਮੌ+ਤ ਦੇ ਘਾਟ ਉਤਾਰ ਦਿੱਤਾ।
ਥਾਣਾ ਇੰਚਾਰਜ ਰਾਜਮਲ ਕੁਮਾਵਤ ਨੇ ਦੱਸਿਆ ਕਿ ਕ.ਤ.ਲ ਦੀ ਇਹ ਘਟਨਾ ਕਰੀਬ ਇੱਕ ਮਹੀਨਾ ਪਹਿਲਾਂ 16 ਨਵੰਬਰ ਦੀ ਰਾਤ ਨੂੰ ਪਿੰਡ ਕਰਨੂ ਵਿੱਚ ਵਾਪਰੀ ਸੀ। ਪੁਲਿਸ ਨੇ ਆਖ਼ਰ ਮਾਮਲੇ ਦੀਆਂ ਕੜੀਆਂ ਜੋੜ ਕੇ ਕਥਿਤ ਕਾ.ਤਲ ਧੀ ਨੂੰ ਗ੍ਰਿਫ਼.ਤਾਰ ਕਰ ਲਿਆ ਹੈ। ਕ.ਤ.ਲ ਦਾ ਕਾਰਨ ਜਾਣ ਕੇ ਪੁਲਿਸ ਵੀ ਦੰਗ ਰਹਿ ਗਈ। ਧੀ ਦਾ ਨਾਂ ਸੰਜੂ ਮਾਲੀ ਹੈ। ਉਸ ਨੂੰ ਜੋਧਪੁਰ ਦੇ ਬਿਨਾਵਾਸ ਤੋਂ ਗ੍ਰਿਫ.ਤਾਰ ਕੀਤਾ ਗਿਆ ਹੈ।
ਜਾਂਚ ਵਿੱਚ ਸਾਹਮਣੇ ਆਇਆ ਕਿ ਬਖਸ਼ਰਾਮ 17 ਨਵੰਬਰ ਨੂੰ ਸੰਜੂ ਦਾ ਵਿਆਹ ਤੈਅ ਕਰਨ ਲਈ ਜਾ ਰਿਹਾ ਸੀ। ਇਸ ਤੋਂ ਪਹਿਲਾਂ ਵੀ ਸੰਜੂ ਨੇ 16 ਨਵੰਬਰ ਦੀ ਰਾਤ ਨੂੰ ਇਸ ਵਾਰਦਾਤ ਨੂੰ ਅੰਜਾਮ ਦਿੱਤਾ ਸੀ। ਰਾਤ ਨੂੰ ਜਦੋਂ ਘਰ ਦੇ ਸਾਰੇ ਲੋਕ ਸੁੱਤੇ ਪਏ ਸਨ ਤਾਂ ਸੰਜੂ ਨੇ ਆਪਣੇ ਪਿਤਾ ਬਖਸ਼ਰਾਮ ‘ਤੇ ਡੰਡੇ ਨਾਲ ਹਮਲਾ ਕਰਕੇ ਗੰਭੀਰ ਜ਼ਖ਼ਮੀ ਕਰ ਦਿੱਤਾ। ਇਸ ਤੋਂ ਬਾਅਦ ਉਹ ਵਾਪਸ ਆਪਣੇ ਕਮਰੇ ਵਿੱਚ ਚਲੀ ਗਈ। ਇਸ ਦੌਰਾਨ ਸੰਜੂ ਦੀ ਮਾਂ ਜਾਗ ਗਈ। ਆਸ-ਪਾਸ ਦੇ ਲੋਕਾਂ ਨੂੰ ਬੁਲਾ ਕੇ ਜ਼ਖਮੀ ਬਖਸ਼ਰਾਮ ਨੂੰ ਸਥਾਨਕ ਹਸਪਤਾਲ ਪਹੁੰਚਾਇਆ। ਉਥੇ ਬਖਸ਼ਰਾਮ ਦੀ ਗੰਭੀਰ ਹਾਲਤ ਨੂੰ ਦੇਖਦੇ ਹੋਏ ਉਸ ਨੂੰ ਮੁੱਢਲੀ ਸਹਾਇਤਾ ਤੋਂ ਬਾਅਦ ਜੋਧਪੁਰ ਰੈਫਰ ਕਰ ਦਿੱਤਾ ਗਿਆ। ਉਸ ਤੋਂ ਬਾਅਦ 17 ਨਵੰਬਰ ਨੂੰ ਬਖਸ਼ਾਰਾਮ ਮਾਲੀ ਦੇ ਪੁੱਤਰਾਂ ਸੁਰੇਸ਼ ਅਤੇ ਸੰਜੂ ਨੇ ਰਿਪੋਰਟ ਦਰਜ ਕਰਵਾਈ ਕਿ ਰਾਤ ਸਮੇਂ ਉਨ੍ਹਾਂ ਦੇ ਪਿਤਾ ਬਖਸ਼ਾਰਾਮ ‘ਤੇ ਪੰਜ-ਸੱਤ ਵਿਅਕਤੀਆਂ ਨੇ ਜਾਨੋਂ ਮਾਰਨ ਦੀ ਨੀਅਤ ਨਾਲ ਹਮਲਾ ਕਰ ਕੇ ਜ਼ਖਮੀ ਕਰ ਦਿੱਤਾ।
26 ਨਵੰਬਰ ਨੂੰ ਜੋਧਪੁਰ ਵਿੱਚ ਇਲਾਜ ਦੌਰਾਨ ਬਖਸ਼ਰਾਮ ਦੀ ਮੌ.ਤ ਹੋ ਗਈ ਸੀ। ਇਸ ‘ਤੇ ਪੁਲਿਸ ਨੇ ਮਾਮਲੇ ਦੀ ਜਾਂਚ ਅੱਗੇ ਵਧਾ ਦਿੱਤੀ ਹੈ। ਪੁਲਿਸ ਨੇ ਜਦੋਂ ਜਾਂਚ ਕੀਤੀ ਤਾਂ ਉਨ੍ਹਾਂ ਦਾ ਸ਼ੱਕ ਸੰਜੂ ‘ਤੇ ਟਿਕ ਗਿਆ। ਬਾਅਦ ‘ਚ ਮਾਮਲੇ ਦੀਆਂ ਕੜੀਆਂ ਜੋੜਦਿਆਂ ਪੁਲਿਸ ਨੇ ਸੰਜੂ ਨੂੰ ਫੜ ਕੇ ਸਖ਼ਤੀ ਨਾਲ ਪੁੱਛਗਿੱਛ ਕੀਤੀ ਤਾਂ ਉਸ ਨੇ ਸਭ ਕੁਝ ਉਜਾਗਰ ਕਰ ਦਿੱਤਾ। ਕਤਲ ਦੀ ਇਹ ਕਹਾਣੀ ਸੁਣ ਕੇ ਪੁਲਿਸ ਵੀ ਦੰਗ ਰਹਿ ਗਈ।
