ਨਵੇਂ ਸਾਲ ਵਿਚ ਦਿੱਲੀ ਮੈਟਰੋ ਵਿਚ ਪੈ ਗਿਆ ਸਿਆਪਾ, ਔਰਤਾਂ ਨੇ ਪੁੱਟੇ ਇਕ-ਦੂਜੀ ਦੇ ਵਾਲ਼…ਚੱਲੇ ਥੱਪੜ, ਹੰਗਾਮੇ ਦੀ ਵੀਡੀਓ ਵੇਖ ਯੂਜ਼ਰਜ਼ ਨੇ ਕੀਤੇ ਮਜ਼ੇਦਾਰ ਕੁਮੈਂਟ
ਵੀਓਪੀ ਬਿਊਰੋ, ਨਵੀਂ ਦਿੱਲੀ : ਦਿੱਲੀ ਮੈਟਰੋ ਦੀ ਕੋਈ ਨਾ ਕੋਈ ਵੀਡੀਓ ਅਜਿਹੀ ਵਾਇਰਲ ਹੋ ਹੀ ਜਾਂਦੀ ਹੈ, ਜੋ ਲੋਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚਦੀ ਹੈ। ਕਦੇ ਡਾਂਸ ਕਰਦੇ ਹੋਏ, ਕਦੇ ਜੋੜੇ ਇਤਰਾਜ਼ਯੋਗ ਹਰਕਤਾਂ ਕਰਦੇ ਹਨ, ਕਦੇ ਯਾਤਰੀਆਂ ‘ਚ ਸੀਟਾਂ ਲਈ ਝਗੜਾ ਹੁੰਦਾ ਹੈ। ਅਜਿਹਾ ਹੀ ਮਾਮਲਾ ਚੜ੍ਹਦੇ ਨਵੇਂ ਸਾਲ ਵਿਚ ਮੈਟਰੋ ਵਿਚ ਸਾਹਮਣੇ ਆਇਆ। ਇਸ ਦੀ ਵੀਡੀਓ ਸਾਹਮਣੇ ਆਈ ਹੈ ਜਿਸ ਵਿਚ ਦੋ ਔਰਤਾਂ ਇਕ-ਦੂਜੇ ਨਾਲ ਝਗੜਾ ਕਰ ਰਹੀਆਂ ਹਨ।
ਵਾਇਰਲ ਵੀਡੀਓ ‘ਚ ਦੇਖਿਆ ਜਾ ਰਿਹਾ ਹੈ ਕਿ ਕੋਚ ‘ਚ ਕਾਫੀ ਭੀੜ ਹੈ। ਇਸ ਦੌਰਾਨ ਦੋ ਔਰਤਾਂ ਵਿਚਕਾਰ ਕਿਸੇ ਗੱਲ ਨੂੰ ਲੈ ਕੇ ਝਗੜਾ ਹੋ ਗਿਆ। ਇਸ ਤੋਂ ਬਾਅਦ ਇਕ ਔਰਤ ਨੇ ਥੱਪੜ ਮਾਰ ਦਿੱਤਾ। ਇਸ ਤੋਂ ਬਾਅਦ ਦੋਵੇਂ ਇਕ ਦੂਜੀ ਨਾਲ ਭਿੜ ਗਈਆਂ। ਇਕ ਔਰਤ ਦੀਆਂ ਬਹੁਤ ਸਾਰੀਆਂ ਸਹੇਲੀਆਂ ਹੁੰਦੀਆਂ ਹਨ। ਉਹ ਸਾਹਮਣੇ ਵਾਲੀ ਔਰਤ ‘ਤੇ ਟੁੱਟ ਪੈਂਦੀਆਂ ਹਨ। ਇੰਨਾ ਹੀ ਨਹੀਂ ਉਹ ਇਕ-ਦੂਜੇ ਦੇ ਵਾਲ ਖਿੱਚਣ ਲੱਗਦੀਆਂ ਹਨ ਤੇ ਥੱਪੜ ਤਕ ਚੱਲ ਜਾਂਦੇ ਹਨ। ਇਸ ਦੇ ਨਾਲ ਹੀ ਨੇੜੇ ਮੌਜੂਦ ਔਰਤਾਂ ਨੇ ਦੋਹਾਂ ਨੂੰ ਵੱਖ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਉਹ ਇਸ ‘ਚ ਸਫਲ ਨਹੀਂ ਹੁੰਦੀਆਂ।
ਕਾਫੀ ਮੁਸ਼ੱਕਤ ਤੋਂ ਬਾਅਦ ਯਾਤਰੀਆਂ ਨੇ ਸਾਰੀਆਂ ਔਰਤਾਂ ਨੂੰ ਸ਼ਾਂਤ ਕਰਵਾਇਆ। ਇਸ ਦੌਰਾਨ ਕਈ ਯਾਤਰੀ ਘਟਨਾ ਦੀ ਵੀਡੀਓ ਬਣਾਉਂਦੇ ਰਹੇ। ਔਰਤਾਂ ਦੇ ਵੀਡੀਓ ਬਣਾਉਣ ਦੀਆਂ ਵੀ ਵੀਡੀਓ ਸਾਹਮਣੇ ਆਈਆਂ ਹਨ। ਕਈ ਯੂਜ਼ਰਜ਼ ਨੇ ਇਸ ਘਟਨਾ ਦੀ ਆਲੋਚਨਾ ਵੀ ਕੀਤੀ। ਦੱਸ ਦੇਈਏ ਕਿ ਦਿੱਲੀ ਮੈਟਰੋ ਅਜਿਹੀਆਂ ਘਟਨਾਵਾਂ ਨੂੰ ਲੈ ਕੇ ਚਿਤਾਵਨੀ ਜਾਰੀ ਕਰਦੀ ਰਹਿੰਦੀ ਹੈ ਪਰ ਲੋਕਾਂ ‘ਤੇ ਇਸ ਦਾ ਕੋਈ ਅਸਰ ਨਹੀਂ ਹੁੰਦਾ। ਉਹ ਆਪਣਾ ਗੁੱਸਾ ਮੈਟਰੋ ਵਿੱਚ ਕੱਢਦੇ ਨਜ਼ਰ ਆਉਂਦੇ ਹਨ।
ਲੋਕਾਂ ਨੇ ਕੀਤੇ ਮਜ਼ੇਦਾਰ ਕੁਮੈਂਟ
ਯੂਜ਼ਰਜ਼ ਨੇ ਵੀ ਇਸ ਘਟਨਾ ‘ਤੇ ਤਿੱਖੀ ਪ੍ਰਤੀਕਿਰਿਆ ਦਿੱਤੀ ਹੈ। ਇਕ ਨੇ ਲਿਖਿਆ – ਪੂਰੇ ਬ੍ਰਹਿਮੰਡ ‘ਚ ਸਭ ਤੋਂ ਵੱਧ ਘਟਨਾਵਾਂ ਦਿੱਲੀ ਮੈਟਰੋ ‘ਚ ਹੁੰਦੀਆਂ ਹਨ। ਇਸ ਹੋਰ ਨੇ ਇਸ ਘਟਨਾ ਦੀ ਤੁਲਨਾ ਪ੍ਰਸਿੱਧ ਰਿਐਲਿਟੀ ਟੀਵੀ ਸ਼ੋਅ ਬਿੱਗ ਬੌਸ ਨਾਲ ਕਰਦੇ ਹੋਏ ਕਿਹਾ, “ਬਿੱਗ ਬੌਸ ‘ਚ ਇੰਨਾ ਡਰਾਮਾ ਨਹੀਂ ਜਿੰਨਾ ਦਿੱਲੀ ਮੈਟਰੋ ‘ਚ ਹੁੰਦਾ ਹੈ। ਹੁਣ ਬਿੱਗ ਬੌਸ ਨਾਲੋਂ ਦਿੱਲੀ ਮੈਟਰੋ ‘ਚ ਜ਼ਿਆਦਾ ਡਰਾਮਾ ਹੁੰਦਾ ਹੈ।” ਇਕ ਤੀਜੇ ਵਿਅਕਤੀ ਨੇ ਪ੍ਰਸਤਾਵ ਰੱਖਿਆ- ਦਿੱਲੀ ਮੈਟਰੋ ਤੇ ਮੁੰਬਈ ਲੋਕਲ ਨੂੰ ਫਾਈਟ ਕਲੱਬ ਟਰਾਂਸਪੋਰਟ ਮੰਨਿਆ ਜਾਣਾ ਚਾਹੀਦਾ ਹੈ।
