ਪੁਲਿਸ ਮੁਲਜ਼ਮਾਂ ਦੇ ਪੁੱਤ ਵੀ ਮਿਲਾ ਰੱਖੇ ਨੇ ਅੱਤਵਾਦੀ ਰਿੰਦਾ ਨੇ ਨਾਲ, ਐੱਸਟੀਐੱਫ ਨੇ ਸ਼ੇਰਾ ਦੇ 2 ਹੋਰ ਸਾਥੀ ਕੀਤੇ ਕਾਬੂ, ਚੌਥੇ ਦੀ ਭਾਲ, 15 ਅਗਸਤ ਸੀ ਟਾਰਗੈਟ ‘ਤੇ…
ਵੀਓਪੀ ਬਿਊਰੋ- ਹਰਿਆਣਾ ਦੇ ਕੁਰੂਕਸ਼ੇਤਰ ਦੇ ਸ਼ਾਹਬਾਦ ‘ਚ ਜੀਟੀ ਰੋਡ ‘ਤੇ ਦਰੱਖਤ ਹੇਠੋਂ ਮਿਲੇ ਵਿਸਫੋਟਕ ਤੋਂ ਬਾਅਦ 15 ਅਗਸਤ ਦੇ ਨੇੜੇ ਕੋਈ ਅਣਸੁਖਾਵੀਂ ਘਟਨਾ ਨਾ ਵਾਪਰੇ ਇਸ ਲਈ ਸੁਰੱਖਿਆ ਏਜੰਸੀਆਂ ਐਕਟਿਵ ਹੋ ਗਈਆਂ ਹਨ। ਇਸ ਦੇ ਨਾਲ ਹੀ ਉਕਤ ਜਗ੍ਹਾ ਤੋਂ ਮਿਲੇ ਇਸ ਵਿਸਫੋਟਕ ਸਮੱਗਰੀ ਦਾ ਮੇਲਜੋਲ ਵੀ ਕੁਝ ਮਹੀਨੇ ਪਹਿਲਾਂ ਕਰਨਾਲ ਤੋਂ ਮਿਲੇ ਵਿਸਫੋਟਕ ਸਮੱਗਰੀ ਨਾਲ ਮਿਲਦਾ ਹੈ। ਇਸ ਦੇ ਨਾਲ ਹੀ ਇਹ ਗੱਲ ਵੀ ਸਾਹਮਣੇ ਆਈ ਹੈ ਕਿ ਇਸ ਸਾਜਿਸ਼ ਦੇ ਘਾੜੇ ਵੀ ਪਾਕਿਸਤਾਨ ਵਿਚ ਹੀ ਬੈਠੇ ਹਨ।
ਹਰਿਆਣਾ ਐਸਟੀਐਫ ਦੇ ਐਸਪੀ ਸੁਮਿਤ ਕੁਮਾਰ ਨੇ ਦੱਸਿਆ ਕਿ ਪਾਕਿਸਤਾਨ ਵਿੱਚ ਬੈਠੇ ਬਦਨਾਮ ਗੈਂਗਸਟਰ ਹਰਵਿੰਦਰ ਰਿੰਦਾ ਨੇ ਇਹ ਧਮਾਕਾਖੇਜ਼ ਸਮੱਗਰੀ ਭੇਜੀ ਸੀ। ਹਰਿਆਣਾ ਐਸਟੀਐਫ ਨੇ ਇਸ ਮਾਮਲੇ ਵਿੱਚ ਸ਼ਮਸ਼ੇਰ ਸਿੰਘ ਉਰਫ ਸ਼ੇਰਾ ਦੇ ਦੋ ਸਾਥੀਆਂ ਰੋਬਿਨਪ੍ਰੀਤ ਸਿੰਘ ਅਤੇ ਬਲਜੀਤ ਸਿੰਘ ਨੂੰ ਗ੍ਰਿਫ਼ਤਾਰ ਕੀਤਾ ਹੈ, ਜਿਨ੍ਹਾਂ ਕੋਲ 1.3 ਕਿਲੋ ਆਰਡੀਐਕਸ ਸੀ।
ਦੂਜੇ ਪਾਸੇ ਪੰਜਾਬ ਪੁਲਿਸ ਦੇ 2 ਸਾਬਕਾ ਪੁਲਿਸ ਮੁਲਾਜ਼ਮਾਂ ਦੇ ਪੁੱਤਰ ਵੀ ਰਿੰਦਾ ਦੇ ਇਸ ਦਹਿਸ਼ਤੀ ਮਾਡਿਊਲ ਵਿੱਚ ਸ਼ਾਮਲ ਹੋ ਗਏ ਹਨ। ਇਨ੍ਹਾਂ ਵਿੱਚ ਸਬ-ਇੰਸਪੈਕਟਰ ਨੂੰ ਪੁੱਛਗਿੱਛ ਤੋਂ ਬਾਅਦ ਛੱਡ ਦਿੱਤਾ ਗਿਆ। ਪੁਲਿਸ ਜਾਂਚ ਅਨੁਸਾਰ ਰੌਬਿਨ ਸ਼ਮਸ਼ੇਰ ਨਾਲ ਵਿਸਫੋਟਕ ਰੱਖਣ ਆਇਆ ਸੀ। ਉਸ ਦੇ ਨਾਲ 2 ਹੋਰ ਲੋਕ ਆਏ। ਇਸ ਦੇ ਨਾਲ ਹੀ ਉਹ ਕੰਬੋ ਦਾਏਵਾਲਾ ਦੇ ਰਹਿਣ ਵਾਲੇ ਬਲਜੀਤ ਸਿੰਘ ਕੋਲ ਸਰਹੱਦ ਪਾਰ ਤੋਂ ਆਉਣ ਵਾਲੇ ਨਸ਼ੇ ਦੀ ਖੇਪ ਰੱਖਦਾ ਸੀ। ਪੁਲਿਸ ਹੁਣ ਉਸਦੇ ਚੌਥੇ ਸਾਥੀ ਅਰਸ਼ਦੀਪ ਸਿੰਘ ਦੀ ਭਾਲ ਕਰ ਰਹੀ ਹੈ। ਪੁਲਿਸ ਸ਼ੇਰਾ ਦੇ ਬੈਂਕ ਰਿਕਾਰਡ ਦੀ ਵੀ ਜਾਂਚ ਕਰ ਰਹੀ ਹੈ।
